Emblemata

[p. 47]

Fortitudini jungendus astus.
Emblema XVI.

Quid sibi vult rabido Vulpes conjuncta Leoni?

Scilicet ut Vires adjuvet usque Dolus.

Commentarivs.

DIcebat olim Lysander; Si Leonis exuvium non sussicit; adde vulpinum: Innuere volens; quum res viribus obtineri non possit, adhibendum esse Dolum; Et quum⁺ contendi nequitum est; clam tendendam esse plagam. Hic Lysander, quemadmodum in ejus vitâ memorat Plutarchus, irridere solitus est eos, qui veluti ab Hercule prognati, bella apertis viribus, citraque dolum, gerenda esse censerent. Simile huic Lysandri, Maro etiam approbare videtur, cum inquit;

+ Paccuvius.

[p. 48]

⁺Mutemus clypeos, Danaumque insignia nobis
Aptemus, dolus an virtus quis in hoste requirat.

⁺Carbo olim Syllae dixisse memoratur, se bellum gerere cum Vulpe & Leone; quorum uterque habitabat in animo Sylla, sed magis se à Vulpe timere sibi, quàm à Leone. Et hodie videmus, magis astatiam in bello, quàm vires exerceri, cum ingentibus illis, & exsecrandis machinis bellicis, atque bombardis, fortissimi quique, &, Homeri verbo, θυμολέοντες, ab imbellissimo timidissimoque homuncionc saepè tollantur.

+ Lib. 2. AEneid.

+ Plutarch. in Vit. Syll.