Hazegerf

Der Sjang en 't Maike

‘Ich han e verke gesjlacht’. zaat dè va gene berg, en e laachet en zaat ‘get ezoeë!’

‘Ho, ho!’ reep dè va gene tinnef! ‘Dat wuur jò get wie 'n sjlaagkaar! Mer.... 't is good, ich zal kòame!’

‘En da bringt dèr mach der Sjang och mit en de madam!

Dè va gene tinnef dronk oet, sjnèèëd e gezich wie ne däörheisj¹⁾ en winket jao. En tège der ovvend, wie de keu i gen wei brullete en 't lantsem duuster aa woad²⁾ trampelet der halfe va gene tinnef nao gene bèrg op. De madam die nog al dik bezat waor en nit väöl aom hauw, komt 'n 50 meter aater 'm aa gejeche en ergeret zich sjrikkelich va wège häöre man en alle ander mansluj, die nuuks väör

1) doorn-handschoen;

2) begon duister te worden;

[p. 40]

de vröluj uvver kent, ze mer laote zurge en sjravele en nit nao 'n umkieke. Ze reep: halfe! Der halfe blef sjtòa en kèèëk um en reep: Wat zat deèr?’ Mè de halfesje sjtong en waor ezu boeten aom, dat ze gee wòad kos oetbringe en ze wòad roeëd va erger en der halfe reep: ‘wat roopt dèr da? en.... gong wir durch.

A ge bildje, wòa e 12 Hektare hat lieje, blef e sjtoa. E prakkezeeret: went ich hei get neerzat, 'ne hoof en get sjtel en went dè va gene berghof da daobei nog 'n 20 Hektare toegaof.... á la bonheur. Doew kèèëk e um en wie de halfesje benao bei 'm waor, reep e: ‘Mich dunks, dat ich hei get kus bowwe väör die twei!’ En wie de madam dat hoeët, waor alle erger voet en ze sjot vruntelich mit der kop.... mer doew zaat der halfe: ‘mesjie weur 't nog bèëter went vèr 't draa geuve. 't Is mich zelève nit ezu opgevalle wie huuj, dat vèr aod wèëde, bezondesj dèr! Dèr hat gingen aom mieë!’

Doew brook de madam los en wie ze nüks koeët zage va wège häöre aom, begos ze te griene. En der halfe zaat: ‘sjamt uch get....’ en e gong durch en grommet.... ‘went dèr mingt mit kriesje get oet te richte...!’ en doe marscheeret e vlot e-weg der berg op en leet de madam wied aater zich nao kòame.

Wie hè a gene berghof komt, zoot de madam, die oet gene kosjtel^{problem}3) komt, jus de tobbe neer. Ze vèget zich de heng a gene sjolk aaf en reep: ‘Aha, dat hat dèr good gemakt, mer wao is de madam?’ en wie der halfe zaat, dat ze nog komt, doew zaat de madam: ‘ich houw de keu gemolke en wol juus de kaover get laote zoepe.... mer komt i’

Mè der halfe komt oet gen hoes en zaat: ‘dèr haat good wèèr mitbraat... en zow vèr 't vieë ins gòa zieë’ en de manslüj gratsjelete uvver de keisjting nao gen sjtel. Dao sjtonge de keu.... dè.... mit e häörke, man, op e lief, wie ziej en de kaover sjlooge va gekkigheed en waalmood mit hun sjtief knäök tège de brèèr op! Dè va gene tinnef bezoog ze zich va väör en van aater en zaat: ‘sjtaats, sjtaats, dat mot ich zage!’ En wie ze de pèëd gezieë howwe en de verke, zaat e: ‘en wie geet 't mit de kinger?’ Doew griemelet dè va gene berghof en der andere zaat: ‘wit 'r, ich han jo mer dè inge en 't is zienge zin.... ich sjpan oet en da kunne die twei, der Sjang en 't Maike dao gòa woeëne.’ En dat beveel der halfe va gene hof ezoeë good, dat e zich umdrieënet en zaat: ‘da komt, da gunt v'r in.’

I gen kuche waore de mèè vlot a ge werk en 't Maria

{problem}3) koestal;

[p. 41]

hanteeret de dampende panne en de kèëtele mit gebraods. Der Sjang, dè gedeenstig get holp, sjot de èëpel in der kèëtel um en wie de twei halfe dat zooge, sjteete ze zich aa, es went ze zage woole: haste me lève ezu sjun pèèrke gezieë?

Doew komt och de dikke madam va gene tinnef in mit de madam va gene berghof en ze waor zoeë veralterieëd, dat ze 't Maike puutsjet en zich mit der mow der mond aafvèget en ze kriesjete allenei.... de vròluuj!....

't Waor dan och ezu sjun.... die twei te zieë, dat 't dich uvverging ofs te wools of neet.

Wie ze allenei a gen deuisj zoote, wòate de kump mit èèëpel en vleisj opbraat en de sjottele dampete, dat der inge der andere benao nit zoog. Der halfe sjot beer in en dò wòad gèèëte, mit e plezeer en 'n vruid en ene appetiet, dat der halfe va gene tinnef zaat: ‘Morjuuts nog e-weg.... ich zaan mer zoee.... 't sjmakt mich huuj....!’ en doew reep de madam va gene berghof.... ‘et mer,⁴⁾ et mer,⁴⁾ 't is uch jo gegond.’

En doew zaat dè va gene tinnef: ‘....mich dunks.... (wat zaat dèr halfe?) die twei.... vingt dèr 't good?’

En doew sjtonge ze allenei op en de vrolüj waore aan 't kriesje en der Sjang wòad ezu wies wie de moer.... en ze goove die twei de hand en gonge wir zitte.

Wat zow me nog mieë zage bei ezun feierlichheed?

Doew zaat dè va gene berghof: ‘mit Sintermees??’ en der andere zaat: ‘jò, jò, mit Sintermees!’

En 't waor oetgemakt en der Sjang sjteet 't Maike onder gen deuisj aa en ze kèëke zich aa en laachete.

Doew gong de däör op en de mèè komte in mit ene bloomesjtroek en zaate: ‘väöl geluks’ en laachete en gonge wir voet.

't Zondes dernao gonge de twei kinger nao pastoer. Dè wos besjeed en zaat: ‘dat zal da wal um 10 oer zieë?’ Mer der Sjang zaat: ‘Hèèr kan 't nog sjpieëder?’ Doew hòalet der Hèër pastoer de beuk oet en e zoeët dao in en zaat: ‘....dat waor der burgemeester um haof elf!’ Doew kèèëk der Sjang 't Maike aa en 't winket va jao en der Sjang zaat ‘Da zet 't mer um 11 oer, Hèër!’

't Waor der daag d'r nao in 't gans durp bekand.... en de luuj zaate: ‘Mè ja, die motte ze nog wal han! um 11 oer? Ze hent geliek, went ich 't kus, dung ich 't och.’

4) eet maar.

4) eet maar.