Het Walchers liedeboeck

[fol. 127r]

[Smal is den inganck gheleghen]

Na de wyse
Lieue dochters vol van ieuchdt

SMal is den inganck gheleghen⁺
Na Godts nieuwe rycke stadt
Wy connen vercryghen dat
Deur de liefde, daerenteghen
Niet duer s'vleesch lust vol fenyn
Want ten mach alsoo niet syn

T'vlees met syn onreyne lusten

Moeten wy cruycighen al
T'moet al hebben eenen val⁺
Van der sonden arbeyt rusten
Niet meer trecken haren lyn
Want ten mach alsoo niet syn

Syt ghy reyn soo wilt v houden

Zuyuer en onbevleckt
Heel der eonden roock wtreckt
Ghedoocht niet dat by v souden
Blyuen de zeden van t'swyn⁺
Want ten mach alsoo niet syn

Om Godts rycke te beeruen

Keert niet wederomme want⁺
Buyten het beloofde lant
Soudt ghy steruen en bederuen
Als Israel in de woestyn
Want ten mach alsoo niet syn

Soo ghy niet en strydet seker

Niet volstandich deur en dringt
T'quade niet van v en dwyngt⁺
Niet en reynicht s'herte u beker
Ghy comt niet int ryck fyn
Want ten mach alsoo niet syn

T'oudt leuen moet ghy laeten

+ 4. Esd. 77
2. Pet. 1. 11,

+ Gal. 5. 24.
Mat. 11. 28.

+ 2. Pet. 2. 22,

+ Hebr. 6. 5.
Luc. 9. 62.

+ Hebr. 10. 38
Mat. 23. 2,

[fol. 127v]

 

Nieu ghebooren wesen eest

 

Wt den water ende Geest

 

In de oude vuyle vaten

 

⁺Doetmen gheenen nieuwen wyn

 

Want ten mach alsoo niet syn

 

Tweederley diuersche dijngen

 

Duysterheyt en t'schoone licht

 

⁺Can niet tsamen sijn ghesticht

 

Te vergheefs men poocht te mijnghen

 

Belyal met Godt devijn

 

Want ten mach alsoo niet syn

 

Ghy en cont in goeden vrede

 

Gheen twee Heeren dienen recht

 

Soude ghy wesen Godts knecht

 

⁺En den mammon dienen mede

 

T'waer verlooren moeyt en pyn

 

Want ten mach alsoo niet syn

 

Ghelyck als ghewitte grauen

 

Binnen vuyl en buyten schoon

 

⁺Alsoo waren inden throon

 

De phariseen ydel slauen

 

Vliet sulcken gheveynsden schyn

 

Want ten mach alsoo niet syn

 

⁺Laet ons wachen van heet quaede

 

Om den goeden loon tonfaen

 

De syd' weghen laeten staen

 

⁺Vanden engen rechten pade

 

Wyckende in geen termyn

 

Want ten mach alsoo niet syn

Weest op v hoede

+ Joan. 3. 3.
Mat. 9. 17.

+ 2. Cor. 6. 14,

+ Mat. 6. 24.

+ Mat. 23. 26.

+ Gal. 6. 10,

+ psalm. 225. 5