Het Walchers liedeboeck (1611)

Het Walchers liedeboeck

(1611)–Dirk Schabaelje, Jan Philipsz. Schabaelje– rechtenstatus

Auteursrechtvrij

Vorige Volgende


[Peynst ouerlegt]
Na de wyse Den tijt is hier P Eynst ouerlegt De vraghe wilt solueeren Die dauidt segt Hoe een Jonghelinck sal Gaen synen wecht? Ontstraffelick, met eeren Als hy oprecht Hem hout sonder afval Na Godts woort al? Dus dede Abel, maer Seth sijnde Jonck van leuen // dan Is hier oock vroom ghebleuen aen Wy meughen daer niet sneuen // van Om volghen dese naer I acob van tween Was de jonckxste ghebooren? Maer hy alleen Behielt sulck leuen vast: Sonder afscheen Want hy van Godt vercooren
[Folio 117r]
Was, siet hoe reen Joseph van Jonckx opwast? Voort aen noch past Op samuel, eerbaer Die een kint was, behaechde // Godt Van doen de heer ghewachde // tot Hem: v liet doch het versaechde // rot Om volghen dese naer E n Sion voort Die van kintsch heyt, des heeren Heeft toe behoort: Oock siet hoe reyn dauidt Bleef aen Godts woort Van Joncx, sonder afhouwen Noch men bespoort Aen Jeremia dit: Salomo bidt Godt om wysheyt // eenpaer Josyas vroomheyt blycken // liet Daniel sachmen wycken // niet S'weerelts Juecht te ghelicken // vliet Can volghen dese naer TER stont ick sie Noch ander jonghelinghen Maer voor al drye Bleeuen in Godt beuel Den Coninck die Conde haer daer niet ofbringhen Lof sy Godt wie Daer gaf Sorobabel Meer wysheyt, wel Dan eenighe aldaer Der jonghelinghen, conden // wat Soo was by hem beuonden // dat
[Folio 117v]
Wilt keeren wt der sonden // pat Om volghen dese naer CO ntoriteert V niet met lichte lieden Want die verkeert Met haer, wert oock besmuert Van hun, en leert Onduecht, dus wiltse vlieden? Maer conformeert V, als hier is bespuert: Soo dit ghebuert Dyn loon wert groot, met haer Alsmen Is vroom in werck en // daet Soot hem van Jonckx wel mercken // laet Aen Tobia, v stercken // gaet Om volghen dese naer R echt neemt v acht Aen Jonghe wyngaert schoen Die t'elcker vracht Bringhen veel vruchten soet: Als sy de kracht Der stam, hebben genoten Daer eerst betracht Godts woort ons wesen moet Johannas doet Dit, timothe neemt waer Die heeft de schrift ghelesen // vry Van Jonckx, dus onder wesen // hy Was ghelyck als duer desen wy Om volghen dese naer NE emt dit in danck L aet u Christo behaeghen I n sijnen ganck S pieghelt v aldermeest
[Folio 118r]
SO hy was kranck ONs kranckheyt moest hy draeghen Onder bedwanck Van des lydens tempeest Nam inden geest Toe groyd' al sterck pijlaer Elck dit voorbeelt ghecreghen // heeft Van Godt die ons den seghen // gheeft Op datme hier ter deghen // leeft Om volghen dese naer 1610. Weest soo ghesint

Vorige Volgende

Over dit hoofdstuk/artikel

datums

1610