Verscheyden litanien tot ghebruyck des catholijcken leghers

Ghebedt bereydende den mensche tot het Sacrament der Biechte.

Schepper der Hemelen ende Eerde, Coninck der Coninghen ende Heere der Heeren, die my van niets ghemaeckt hebt nae v beeldt ende gelijckenisse: ende met v precioos bloet verlost: den welcken ick arm sondaer en ben met weerdigh te noemen, noch te aenroepen, noch metter herten ouerpeysen. Ick bidde v ootmoedelijck, ende gheduerichlijck, dat ghy my uwen quaden dienaer goedertierelijck wilt aensien ende ontfermt v mijnder die daer v ontfermt hebt ouer de Cananeusche vrouwe ende Mariam Magdalene: die den Publicaen ghespaert hebt met den Moordenaer aen den cruyce hanghende. O goedertieren Vader ick belijde v mijn sonden, de welcke, al woude ickse verborghen, voor v mijn Heere geensins en can. Spaert my o Christe, den welcken

[p. 117]

ick nv onlancks heb vertoorent met ghedachten, met spreken, met wercken: ende in alle manieren, inde welcke ick arm bruesch mensche ende sondaer heb mogen sondighen: het is mijn schult; mijn schult; ende mijn aldermeeste schult. Hierom Heere bid ick uwe goedertierentheyt, die daer om mijn salicheyt zijt vanden Hemele nedergedaelt: die daer Dauid vanden val der sonden hebt opghericht: spaert my Heere: smaert my Christe, die Petro v verloochenende hebt gespaert. Ghy zijt mijn schepper ende mijn verlosser: mijn Heere ende mijn Salighmaecker: mijnen Coninck ende mijn Godt: Ghy zijt mijn hope ende vertrouwen: mijn Regeerder, ende mijn hulper: mijn vertroostinghe; mijn sterckheyt; mijn bescherminghe ende mijn verlossinghe: mijn licht ende mijn begheerte: mijn bystant ende mijn hulpe. Ick bidde v, helpt my ende ick sal saligh zijn: regeert my ende beschermt my: sterckt my ende troost my: beuesticht my ende verblydt my: verlicht my ende besueckt my. Verweckt my die daer doodt ben, want ick ben v maecksel ende werck. Heere en versmaet my niet, want ick ben v dienaer ende knape niet teghenstaende dat ick quaet ende onweerdich, ende een sondaer ben; maer nochtans oft ick goet oft quaet ben, altijts ben ick v toebehoorende. Tot wien sal ick loopen, ten sy dat ick gae tot v? Ist saecke dat ghy my wtstoot, wie sal my ontfanghen? ist oock dat ghy my versmaet, wie sal op my sien? Daeromme bekent my die onweerdich wederom tot v

[p. 118]

come geloopen, al ist dat ick snoode ende onreyn ben. Want al ben ick snoode ende onreyn, ghy meucht my reynighen: al ben ick blint, ghy meucht my verlichten: al ben ick cranck, ghy meucht my ghenesen: al ben ick doot ende begrauen, ghy meucht my verwecken; want grooter is uwe bermherticheyt dan mijn boosheyt: ghy meucht meer vergheuen, dan ick beschuldighen, ende meer ghesparen, dan ick sondaer can besondighen. En versmaet my daerom niet Heere; noch en siet niet aen de menichte mijnre sonden, maer nae de menichte van uwen bermherticheden, ontfermt v mijnre: ende weest my die daer bn den aldermeesten sondaer, genadich. Spreekt tot mijnder sielen (ick ben v salicheyt) die daer gheseyt hebt; Ick en wil den doot vanden sondare niet: maer dat hy hem bekeere ende leue. Bekeert my Heere tot v, ende en wilt v niet vergrammen teghens my. Ick bidde v goedertierenste Vader, door uwe bermherticheyt soo bid ick v ootmoedelijck ende verbidde, dat ghy my brenghen wilt tot een salich eynde, ende tot warachtighe penitentie, ende suyuer bichte ende oock tot weerdighe voldoeninghe van alle mijn sonden. Amen.

Ghebet eermen te biechte gaet.

Ontfanckt o alder ghenadichste ende goedertierenste Heere Iesu Christe, mijn eenige hope ende salicheyt van mijnder sielen, dese mijn biechte, ende gheeft my (dat bid ick v) leetwesen mijns herten ende tranen mijnre ooghen, op dat ick beschreyden mach nacht ende dach alle

[p. 119]

mijn onachtsaemheden in ootmoedicheyt ende in suyuerheyt mijns herten. Laet mijn ghebet in uwe teghenwoordicheyt ghenaken Heere Sydi teghens my gram, wat hulper sal ick soecken? wie sal mijnre boosheden ontfermen? Weest o Heere mijnder ghedachtich die dat Cananeeusche vrouken ende den Publicaen hebt gheroepen tot penitentie; ende Peeteren al schreyende hebt weder ontfanghen. Heere mijn Godt, ontfanckt mijn ghebeden: o goede Iesu, salichmaker des werelts die v seluen in den doot des Cruycen gheleuert hebt, op dat ghy soudt die sondaren salich maken, siet op my arme sondare, uwen name aenroepende: ende en wilt mijn quaet alsoo niet aensien, dat ghy v goetheyt sout vergeten. Ende al heb ick misdaen waer deur ghy my verdoemen muecht, nochtans en zydy ghy niet gingt waer deur ghy te behouden placht. Spaert hierom my die daer zijt mijn Salichmaker, ende ontfermt v ouer die sondersse mijn siele. Ontbint haer banden, ende gheneest haer wonden. Heere Iesu ick begheere v; ick soecke v, ick wille v: thoont my v aenschijn, ende ick sal salich wesen. Seynt hierom goedertieren Heere deur de verdiensten die alder suyuerste ende onbesmette altijdts maghet Marie uwe moedere, met alle uwe heylighen, seynt wt v licht, ende uwe waerheyt in mijn siele: de welcke my alle mijn gebreken inde waerheyt verthoone die ick behoore te biechten, ende oock behulpich zy ende onderrichte die selfste volcomelijck, ende met

[p. 120]

berouwer herte wt te legghen: die daer leeft ende regneert. etc.

Gebedt nae die Biechte.

Laet v o Heere (dat bidde ick v, door de verdiensten uwer heyligher altijts maghet uwe moedere Marie; ende van alle uwe Heylighen) dese mijne Biechte, dancbaer ende aenghenaem wesen: ende alle t'ghene my nv ghefaelgeert heeft, oft oock op ander tijden van de volheyt mijnre berouwe, oft van die suyuerheyt ende gheheelheyt mijnder biechten: dat selfste moet vervullen uwe goedertierentheyt ende bermherticheyt; ende nae die selue gheweerdicht my te hebben, volder ende volmaeckter gheabsolueert inden hemel: Die daer leeft ende regneert.