Werken. Deel 6. Die chierheit der gheestelijker brulocht. Vanden blinckenden steen. Dat boec der hoechster waerheit

Regelnummers proza verbergen

Hoe men daghelics toenemt overmits die heilighe Sacramente. C. VII.

20Noch es ene toecomst Christi ons brudegoms, die daghe- 21lies ghesciet in meerringhen der gracien en̄ in nuwer gaven. 22Dats alse de mensche enich Sacrament onfeet met oetmoe-

[p. 20]

1digher herten, en̄ sonder contrarie dies Sacraments⁽¹⁾. Soe 2onfeet hi nuwe gaven en̄ mere gracien overmits sine oetmoe- 3dicheit, en̄ overmits Christus heymelic inwerken inden Sa- 4cramente. Contrarie der Sacramente, dat is ongheloeve inden 5doepsele, sonder rouwe inder biechten, en̄ met dootsonden 6ofte mit quaden wille ten Sacramente dies outaers gaen, en̄ 7alsoe vanden anderen Sacramenten. Dese en onfaen niet nuwe 8gracie; mer si sondighen noch meer.

9Dits die andere toecomst Christi ons brudegoms, die ons 10nu daghelics yeghenwoirdich is. Dese selen wi merken, met 11begheerliker herten, opdat si in ons ghescie; want dies es 12noot, selen wi staende bliven en̄ voirtgaen in dat ewighe leven.

(1) Sur. et absque iis, quae Sacramento contraria sunt.