Werken. Deel 3. Vanden XII dogheden. Een spieghel der ewigher salicheit. Vanden kerstenen ghelove
(1860)–Jan van Ruusbroec–
Regelnummers proza verbergen
| |
Die verclaringhe vander naturen des levens. C. XXII.12Die natuere ewichs levensGa naar voetnoot(2) es ons uut Gode gheboren, 13en̄ si is enich met Gode, ende si leeft uut Gode in ons, en̄ 14uut ons weder in heme. Want vriwillens heeft ons die hemelsche 15Vader ghewonnen en̄ vercoren in sinen SoneGa naar voetnoot(3), ende 16hier om sijn wi sonen Gods van ghenaden, niet van naturen; 17want die genade Gods is ons over natureGa naar voetnoot(4) en̄ ewich leven, 18dat niemen sien noch vinden en mach sonder ghenade. Maer 19willen wi ewich leven sien en̄ vinden in ons, soe moeten wi, 20overmits minne en̄ ghelove, ons selven boven redene onthoghen 21tote in onse eenvoldighe oghe. Daer vinden wi die 22claerheit Gods in ons gheboren, en̄ si is dat beelde Gods, 23dat overſormt heeft onse eenvoldighe oghe: daer en mach 24gheen ander beelde in comen. Nochtan moghen wi in ghe- | |
[pagina 226]
| |
1gaefdenGa naar voetnoot(1) lichte al dat bekennen dat mindere is dan God, 2eest dat hijt ons vertonen wilt. Dat beelde Gods ontfeet 3yeghewelcs ghesichte al onghedeilt en̄ gheheel, en̄ het is 4oec ieghewelken alGa naar voetnoot(2) en̄ blijſt in hem selven een onghedeylt 5eenGa naar voetnoot(3). Dat beelde bekennen wi met hem selven, daer wijt 6onfaenGa naar voetnoot(4); maer daer wi overdraghen sijn en̄ getransformeert 7in sine claerheit, daer hebben wi ons selven vergheten, en̄ 8sijn een met hem; en̄ aldus leven wi in hem en̄ hi in ons: 9nochtan bliven wi altoes ghesceden in substancien en̄ in naturen. 10Die claerheit Gods die wi sien in ons, si en heeft beghin 11noch einde, tijt noch stat, wech noch pat, forme noch 12gedaente noch varwe. Si heeft ons te male bevaen, begrepen 13en̄ doergaenGa naar voetnoot(5), en̄ onse eenvoldighe ghesichte soe wide ontdaen, 14onse oge moet ewelic open staen, wi en connense niet 15ghelukenGa naar voetnoot(6). 16En̄ aldus hebdi dat ierste punt, welc die nature is ewichs 17levens uut Gode gheboren. |
|