Doe bleefs in mich

[p. 78]

Verlange

Es doe allein mer kuims*
En zats dich bie mich neir,
Zodat 'ch mich zègge keus:
Ich höb miene leiveling weir.

Kom röstig mit laeg henj,
Gans sjtil en zonger weurd,
Al witste nog zo gowd
Wie gaer 'ch ze höb geheurd.

Al wus* ich dich mer dao,
Kort bie mich, naeve mich,
Doe mit die goudblondj haor
En de glans van die gezich.

Al zuuste mich neit aan,
Wits neit waat ich verlang
En mirks de traone neit,
Die loupe langs mien wang.

Es doe mer effe kuims
En weurs nog weir ens dao,
Veur dat mien oer mich ruip
En ich sjwiegend heivesj* gao.