Doe bleefs in mich

[p. 77]

De maelder zingt

Wie doe zo zelfkontent en onverdraote,
Dich zelfs nog 's aoves laat zo gaer leets gaon
En zings... diene sjnavel, gael of dae van goud weur!
En onbekummerd of veer dich versjtaon.

De veugel zeen zo lankzaam oetgetorveld*.
Oppe waeg nog ratelt mer ein leste kar.
't Is sjlaoperstied. Mer alle louver loestert.
Wachs doe nog effekes op de eesjte sjtar?

Maelder, doe zings, miene maelder, nog in den aovend,
Wo 'ch druimend oppe bank zit bie mien deur,
Wie kans-te einen awwe minsj gelökkig make,
Es of et auch veur hööm nog vruigjaor weur!