Eglentiers poëtens borst-weringh
(1619)–Theodoor Rodenburg–
AuteursrechtvrijConcussus surgo.WEer-haenighe Fortuyn vol wispeltuer'ghe kuuren,
Vol zotte-grillen, en vol schalcke spokery;
Vol schicht en wuyflingh, steets vol kindsche boertery,
Die ebb' en vloed ghelijcklijck nae heur wil kan stuuren:
't Gheen zy door jaeren wrocht breeckt zy door minder uuren,
Die hooghste waent te zijn leyt schielijck inde ly,
Iae huyden jammert hy die gisteren was bly.
Wat is heur aerdt? Helaes, onstantvast uyt natuure.
Met ons zy tuylt ghelijck de kaetzers met de bal,
Gheswingh ghedreven laegh, en fluckx weer hoogh verheven,
Van steyle vlucht ghedreven tot de laeghste val.
Maer die die vroedich, wijs, en reen-beradich leven,
Die blijven in een wezen gh'lijck de stuyt-bal doet,
Het zy in 't hooghste luck oft' laeghste teghen-spoet.
|
|