Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen
(1582)–Hans de Ries–
AuteursrechtvrijDen vj. Psalm.DINHOVT.
Dauid ghevoelende Godes hant, gramschap ende gherechticheydt, roept in desen Psalm tot Godt om ghenade ende bermherticheyt, ende betuycht hoe hy onder het bevindelijck ghevoelen der gramschappen Godes, inden vleesche vergaen, in de ghedaente veruallen, ende van trueren oudt gheworden is, eyndelijck verclaert hy dat die Heere syn smeecken hoort ende zijn ghebedt aenneemt ende seyt, dat derhaluen moeten wijcken die ouer hem verblijden ende vrolijck zijn. | |
Singt met aendacht. EN straft my niet O Heere
| |
[pagina 141.v]
| |
 mijn,
In uwen toorne seer vervaerlijck,
Noch in die verbolghentheyt dijn,
En castijt my niet Heer so swaerlijck,
Sijt mijns ghe na dich openbaerlijck.
Swack ben ick heelet my Heere
Mijn ghebeent en mijn siel is mede
Verschrickt en verslaghen seere
O Heer hoe langhe sonder vrede
| |
[pagina 142.r]
| |
Blijft mijn siel in ellendichede.
Keert v tot my mijn siel aensiet
Helpet my door uwe goedicheyt
† Inden doot ghedencktmen v niet Ga naar margenoot+
Uwen lof Heer noch v danck gheseyt.
Ick ben van suchten seer moede
Mijn bedde doen ick swemmen voorwaer
Den ganschen nacht Heer met spoede
Nette ick mijnen legher aldaer
Met mijne tranen seer droeuich claer.
Mijn ghedaent is vervallen bloot
Ende van trueren gheworden out
Ouer al lijd ick ancxt en noodt
Maer wijckt van my ghy quaetdoenders stout
Want die Heere mijn weenen aenschout.
Die Heere hoort mijn smeecken wel
Ende mijn ghebet dat neemt hy aen
Al mijn vyanden moeten snel
Tot schanden worden en verschrickt staen
Te rugghe keeren met schanden saen.
FINIS. |