Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

[p. 139.r]

Dat seste deel deses Lietboecx.

Inhoudende

Veerthien van des Heylighen Propheets Dauids Psalmen.

Act. 13. c, 22.

Ick heb ghevonden Dauid den Soon Jesse, een Man na mijn herte, die sal alle mijnen wille doen.

Col. 3. b, 16.

Laet dat woordt Godts rijckelijck in v woonen in alle wijsheydt, leert ende vermaent v onder malcanderen met Psalmen ende Lofsanghen, ende met gheestelijcke Liedekens, inder ghenade ende singet den Heer in uwer herten.

[p. 140.r]

Veerthien van des Heyligen Propheets Dauids Psalmen.

Den eersten Psalm.

DINHOVT.

Dauid verhaelt in desen Psalm den saligen slant der gheloouigher menschen, wiens lust ende vruchtbaer duechtbloyende leuen hy oock aen teeckent, mits den onsalighen slant der Godtloosen.

Singt met aendacht.

VEl hem die niet wandelt noch gaet,
Inder godtloosen raet oft zede,
Noch niet en treedt op den wech seer quaet,

[p. 140.v]

 

 

Van die sondaers tot gheender stede,

 

Noch en sit by de spotters mede,

 

Maer dach en nacht spreect sonder verlaet,

 

Met lust van Gods wet en waerhede.

 

 

 

⁺† Die mensch is als eenen boom gheplant

 

Aen die waterbeecken seer reyne

 

Die syn vruchten brengt ter tijt playsant

 

⁺Sijne bladerkens zijn groen ghemeyne

 

Al zijn doen gheluckt hem certeyne

 

‡ Maer die Godtloose aen elcken cant

 

⁺Sijn als dat caf voor den wint cleyne.

+ Jer. 17. a, 8
Eze. 47. 12.

+ Pro. 10. c 25
Esa. 29. a, 5

+ Esa. 26. 14.

[p. 141.r]

 

Daerom voor het gerecht des Heeren

 

† Den Godtloosen toch niet en bestaet

 

Onder die vrome die Godt eeren

 

En blijuen niet die sondaren quaet

 

Godt kent hier den wech en oock die daet

 

Der rechtueerdighen int verneeren

 

Maer den wech der Godloosen vergaet.

FINIS.