Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Dat xxij. liedt onder de claechliederen.

DINHOVT.

Dit is een cort ghebedt waer in ghebeden werdt voor den onderganck van dat rijcke des Duyuels ende den wasdom der kercken Christi.

Naer de Voyse van het voorgaende.

Singt met aendacht.

COmt toch seer haest Heer der Heeren
Onsen Godt heylich en reyn
Des Duyuels macht wilt verneeren
Breeckt af syn rijcke ghemeyn

[p. 71.v]

 

Daer teghen wilt Heer vermeeren

 

Dijn heylich ghetal in dit pleyn.

 

Ghy Abraham GODT groot van crachten

 

Recht op Jeruslem dijn stadt snel

 

Bout dijn kerck recht op met machten

 

Dynen heylghen Tempel wel

 

Vermeerdert hier de gheslachten

 

Van dijn gheestlijck Israel.

 

⁺Goede Vader wilt wtsenden

 

Rechte dienaers onbevreest

 

Om dyn woort aen allen enden

 

Te Predicken minst en meest

 

Om te leeren d'onbekenden

 

Veruult haer met cracht en gheest.

 

⁺Laet dijn woort suyuer en clare

 

Worden gheleert en ghehoort

 

In die menschen maeckt vruchtbare

 

Dijn waerheyt aen allen oort

 

Op dat snel int openbare

 

Valsche leer te grond' gae nu voort.

 

O Godes Soon hooch verheuen

 

⁺Coninck der gloouighen al

 

Behout ons in desen leuen

 

Sy dijne heylich ghetal

 

O Christe wilt wasdom gheuen

 

Dijn heylghe kerck in dit dal.

FINIS.

+ mat. 9. d. 37

+ Psa. 12. a 7

+ Psa. 2. a, 6.
Esa. 32. a. 1