Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

[p. 70.r]

Dat xxi. liede onder de Claechliederen.

DINHOVT.

Dit is een ghemeyn ghebedt in het welcke Godt ghebeden wort, om vermeerderinghe des gheloofs, om reynicheyt des herten ende meer andere goede gauen, die ons ter salicheydt dienstich ende noodich syn.

Naer die Voyse. Tantum ergo Sacramentum.

Singt met aendacht.

O Godt heylich ende reene ⁺
Machtich en van grooter cracht
Tot v met stemmen ghemeene
So roepen wy Heer met macht
In dit dal vol van gheweene
Neemt op ons v schapen acht.

Onsen GODT Heere der Heeren ⁺

Heylich heylich ghy Heer zijt ⁺
Wilt v Heere tot ons keeren
Weest onsen muer breedt en wijt ⁺
Wilt dijn cracht in ons vermeeren
Goedich Godt ghebenedijt. ⁺

+ Apo. 15. a 4
Gen. 48. a 3

+ Deu. 10. 17

+ Apo. 4. a, 8.

+ Zach. 2. a 5

+ Joel. 2. b 13

[p. 70.v]

 

⁺Woont onder ons Heere machtich

 

Suyuert ons meer ende meer

 

Reynicht ons herten waerachtich

 

⁺Vernieut ons inwendich seer

 

Behout ons altijt aendachtich

 

In dijn reyn en suyuer leer.

 

O eewich Godt hooch verheuen

 

⁺Vermeert in ons t'glooue goet

 

O Christe regeert ons leuen

 

Verlicht gheheel ons ghemoet

 

Heere voor het dootlijck sneuen

 

Ons tot alder tijt behoet.

 

Veruult ons met liefden tsame

 

⁺‡ Op dat wy houden v wet

 

Stort in ons dijn cracht bequame

 

⁺Om te leuen onbesmet

 

Neemt van ons wech Heer eersame

 

Al wat v aen ons hier let.

 

⁺Bewaert ons voor svyants rade

 

Voor swerelts lust en wesen

 

Bewaert ons voor sonde quade

 

Voor svlees wille mispresen

 

In allen noot vroech en spade

 

Staet ons Heer by in desen.

 

⁺Behout ons in uwe paden

 

En ons sonden cleyn en groot

 

⁺Schelt ons al quijt door ghenaden

 

Verlaet ons in gheenen noot

 

Gheeft ons Heer door v weldaden

+ 2. cor. 6. 16.
Mat. 3. a. 3
Mat. 5. a 8

+ Psa. 51. 12.

+ Luc. 17. a, 5
mat. 16. 16.

+ Joa. 14. 21.
1. Joa. 5. a 3

+ Rom. 8. 29
1. Tes. 5. 23
2. pet. 3. 14.

+ 1. pet. 5. a, 8

+ Psa. 25. a. 5

+ Psa. 51.

[p. 71.r]

 

Een saelghe afscheyt en doot.

 

Godt Vader wy beuelen dy

 

Ons lichaem siele en gheest ⁺

 

Christe ‡ maeckt ons van sonden vry

 

Regeert ons al minst en meest

 

† Heylghe gheest zijt ons trooster ghy

 

En leytsman in dit foreest.

 

Eenighe Godt groot van crachten ⁺

 

Almachtich Heer stercke Godt

 

Eewighe Godt groot van machten

 

Heere Heere Zebaoth

 

V hulpe wy hier verwachten

 

Ghy zijt ons steenrots en slot. ⁺

FINIS.

+ 1. tess. 5. c 23
mat. 16. 16.
Joa. 8. d 36
Rom. 6. 18.
Joa. 15. c 26

+ 1. Joa. 5. a 7
Gen. 48. a 3
Gen. 21. 33.
Esa. 44. a 6

+ Psa. 31. a. 4