Album Joannis Rotarii (Johan Radermacher)

[fol. 130r]

[82. Paulus de Meester, Epithalamium ter ere van het huwelijk van Daniel de Meester en Sara Radermacher, 12 maart 1606.]

Pietate, Virtute, Doctrináque spectatiss.mo iuveni, M.DANIELI DEMETRIO, Verbi divini apud Lindanos Ministro; REVERENDI ET CLARISS.mi VIRI D.ANDREAE DEMETRII, Pastoris in Ecclesiâ Durdrechtanâ fidelissimi, Filio; cum primis nuptiis duceret Lectissimam et castissimam Virginem SARAM ROTARIAM, Amplissimi et Magnifici nec non doctrinâ ac morum gravitate praestantiss.mi viri, D. IOANNIS ROTARII, Mercatoris apud Middelburgos, et in eadem ecclesiâ Senioris vigilantissimi, Filiam

Quadriiugo procede hilaris sol auree curru,

Et roseum profer nunc pater alme diem.

Parce poli rector tristes inducere nubes,

Parce procellosis iam quòque flare Notis.

Quaeso fave nobis hominum rerumque repertor,

Ut festi series laetior huius eat.

Christe fave, comitemque piis te coetibus adde,

Dum tua cum voto templa maritus init,

Seque tuis supplex cum virgine destinat aris,

Illius ut magno coepta favore iuves.

Quisquis ades faveas, animo linguaque precare

Fata maritali dexteriora iugo.

Iungitur ecce thoro DANIELI SARA iugali:

Hic tali Sponsâ dignus, et illa viro.

Quid tibi mentis erit? quae nunc te flamma peruret?

Tantam quis referet laetitiam Daniel?

[fol. 130v]

1

Uxorem es nactus toties ex corde petitam,

 

Quae tibi non unâ in parte placere studet.

 

Quid tibi mentis erit? quae nunc te flamma peruret?

 

Letitiam dicet quis quoque SARA tuam?

5

Nacta virum es voto toties ardente petitum,

 

Qui tibi non uno nomine carus erit.

 

In vestrum thalamum placidis pax involet alis,

 

Adiiciant Charites vincula triplicia,

 

Ut sic adstringant geminorum pectus amantum,

10

Tres illas veluti copulat acer amor.

 

At chorus aethereus, sancti tutela pudoris,

 

Et Pacis custos excubet ante thorum,

 

Pax nectar, Pax ambrosia est, Pax una triumphos

 

Exsuperat [-co] cunctos, nec sine Pace bonum est

Paullus A.F. Demetrius Francofurtensis.

[Dwars:]

Epithalium ad nuptias Danielis de Meestere die 12 martii 1606 celebratas