Album Joannis Rotarii (Johan Radermacher)

[fol. 111r]

[68. Joannes Vivianus, Latijnse versificatie van Psalm 15.]

Psalmi XVi Paraphrasis.

Quis o Deus, Deus alme diversabitur

Tentorio in tuo? quis ó

Habitetque montem sacrum, ubi tua propius

Communicat se sanctitas?

Hic nempe, qui nihil movet non integre,

Iustum facit, vera loquitur.

Et quaeque puro pura promit pectore

Non iste contra abutier

Sermone gerulus cuipiam quo detrahat.

Malum nec ulli fabricat,

Nedum sodali. haud artifex probra aggerat

Vicinum ut obruat suum.

Idem impium, quem vita ^Lquem^L Deus improbat,

Quamvis potentem despicit:

Ast illum honorat quem regit Dei timor

Castis renidens moribus.

Fidem datam dispendio quovis suo

Haud subeat unquam fallere.

Non promovet rem foenore, aut insontium

Ius prodit ulla ob munera.

Haec qui facit, fundamine aeterno manet

Securus atque immobilis.

[fol. 111v]

Psalmi XVi paraphrasis Joannis Viviani