Album Joannis Rotarii (Johan Radermacher)

[fol. 102r]

[59. Joannes Arcerius, Anagram van de naam Joannes Rotarius met bijbehorend gedicht.]

Ioannes Rotarius Anagramma
Rarus ne notis aio?

Est habitus quondam eloquii Mercurius aptus

Praeses, et interpres dicitur esse Deûm.

Et mercatorum tutorem constituerunt

Veri illum haud frustra nescia turba Dei.

In cuius capite et pedibus finxere citatas

Alas, ut capiat mente loquenda cito.

Nec non designent sermonis ubique volantis

Virtutem, absentes qui movet atque ferit.

Per mare, mercator volat, excurritque per altos

Montes, orbe sibi nil sinit esse procul.

Hoc praestare nequit linguarum ignarus in orbe

Mercator, rerum et nescius arte caret.

Namque ornare solent diversa idiomata merces

Ars calamo et lingua sic minus ipsa valet.

Primis Musarum solers sectator ab annis

Me mercaturae cum pietate dedi.

Hinc linguas varias diversa idiomataque orbis

Discere non piguit res aliasque pias.

Me Latium ut noscat me haud Graecia nesciat, Anglia

Me agnoscat, Gallis vox bene nota mea.

Italus, Hispanus, Germanus dicere possint,

Hic nobis notus cuilibet unus erit.

Ergo ne rarus aio notis? queîs notus ubique

Terrarum est, sermo et gratus ubique meus?

Ut prosim cunctis, totus non sufficit orbis,

En Christo, atque gregi profui in orbe diu.

Ecce senectutis canos tibi dedico Christe,

Caelestes post mî es namque daturus opes.

Ioannes Arcerius

Verbi Dei minister.

[fol. 102v]

Anagramma nominis mei authore Jo Arcerio Verbi Dei ministro in Altena.