Album Joannis Rotarii (Johan Radermacher)

[fol. 90r]

[46. Andreas de Meester, Gedicht ter ere van het huwelijk van Daniel de Meester met Sara Radermacher, 22 januari 1606.]

CARMEN SAPPHICUM

In honorem nuptiarum auspicatissimarum honesti, reverendi, pietate atque eruditione praestantis iuvenis, D. Danielis Demetrii Reverendissimi Doctissimique Viri Andreae Demetrii Senioris, Pastoris Ecclesiae Dordracensium fidelissimi, Filii, Sponsi.

Nec non Castissimae pudicissimaeque Virginis, cuius nomen Deo notum, mihi verò ignotum, ¹ Clarissimi, Consultissi mique Viri D. Johannis Radermakeri, Senioris quondam Ecclesiae Antverpiensium Vigilantissimi Filiae, Sponsae.

22 die Januarii, Anno Salutis 1606 Middelburgi in Zelandia celebrandarum.

Gentium Mater, Venus alma, dulcis
Coniugum nunc huc venias, voluptas:
Mutuum ut lecti socies amorem

Foedere certo.

Tu tui dexter pede, sacra Phoebe
Tange foelici pariter clientis:
Absint hinc luctus, procul omnis absit

Tristis Erynnis.

Nunc novo florum recreat colore
A[b+]/rva ver: laetis resonan[s+]/t querelis
Alitum sylvae: Dryadum levatur

Voce viator.

Cuncta nunc rident sub utroque coeli
Axe, cur rident sub utroque coelo
Cuncta? gratantur thalamo iugali

Omnia SPONSE.

Est satis formosa, satis pudica
Est satis dotata, tibi datur quae
Sponsa DANIELI facilis bonaque

Digna marito.

Cum thori consorte diu beatus
Vive: consurgat tibi longa SPONSO
Nestoris, Sponsae melior Sibyllae et

Serior ae[s+]/tas

Offerebat Andreas Demetrius Fratri suo Charissimo Sponso.

1 Sara.

[fol. 90v]

[blanco]