Album Joannis Rotarii (Johan Radermacher)

[fol. 87r]

[43. Josephus Scaliger, Bijdragen aan diverse Alba Amicorum.]

Jambi morales, inscripti studiosorum Albis, ab Illustri Josepho Scaligero.

Qui cernere aequo Marte detrectaverat,
Ignaviàne, consciusne virium,
Angusta rumpens, factus est audentior.
Cui per phalanges expedivit exitum
Irata virtus, tunc timendus maxime est
Cùm fecit animos arcta desperatio.
Ad moliendum maxima, efficacior
Necessitatis norma quàm virtutis est.      In Albo F.Nansii

Ne curiosus quaere causas omnium,
Quaecunque libris vis Prophetarum indidit
Afflata coelo, plena veraci Deo:
Nec operta sacri supparo silentii
Irrumpere aude, sed pudenter praeteri.
Nescire velle, quae Magister maximus
Docere non vult, erudita inscitia est.      In Albo Philibrti à Borsalia

Caput tenebris exerentes literas,
Quas longa curis expliverat ¹ dies,
Repente dirus Martis et Sophistices
Abegit aestus non reversuras statim.
Morbi ingruentis est medela segnior
Quàm morbus. aevo crescit occulto nemus:
Puncto sequacis ignis afflatu, perit.
Vigore lento nostra crescunt corpora,
Statim labascunt. tarda virtutum augmina
Citò opprimuntur, non reviviscunt citò.      In Albo Joannis Regii

1 Lees: expoliverat; vgl fol.122r,r.5.

[fol. 87v]

 

Si te tyrannus falsa adegerit loqui,

 

Nil indecorum nec bono fac, nec viro.

 

Servilium si verborum intentat minas,

 

Si triste letum: gratulare tu tibi,

5

Quod te experiri dura per discrimina,

 

Quanti aestimares virtutem, contigit.

 

Constare parvo tanta res non debuit.

 

Poenarum acerba ridet audax, omnia

 

Pro Veritate qui timet, pro se nihil.      In Albo Justi Lyraei

 

 

10

Rex, cui relicta vidua, cui suas preces

 

Pupillus offert, vita adulantes Canes

 

Feros in omnes, cicures uni tibi.

 

Cui pro maligno est parcè adulans, hostis est

 

Qui vera loquitur, ius ad omne is surdus est

15

Et blandientum non suas aures habet.      In Albo Sam. Rade[rmacheri]

 

 

 

Josephus Scaliger Jul. Caes. Fil. scribebat

 

Lugduni Batavorum prid. Kal. Octobri[s]

 

Juliani M.D.CII.

 

 

 

Mulier est morbus naturalis eo modo

20

Quo etiam senectus, qua carere non potes,

 

Haud morte praevertendo quos damnas dies.

 

Ergo necesse est, ut vivas tu mori senem,

 

Ut species vivat, perpeti domi crucem.      In Albo Jo.Dousae