Album Joannis Rotarii (Johan Radermacher)

[fol. 81r]

[36. Herman Taffin, Disticha voor Franciscus Mezerius op het verlies van de linkerhand van François de la Noue.]

Ad D. Franciscum Mezerium de Francisci Lanoï Herois
Clarissimi laeva rescissa et dextra integra, disticha .13.

Pro Christo et Patria fortis Lanöus obibat

Proelia, cùm icta levi glande sinistra fuit.

Sic moriens, ut viva, Deo servivit, et olim

Exemplo vivis serviet illa suo.

At nunc abscissa [-dex] laeva cui dextera sola est

Mirum, si dexter dextera cuncta facit?

Si quid erat laevi, cessit, cum laeva resecta est,

Sic reliquâ dextrâ nulla sinistra facit.

Corpore secta suo dum torpet laeva seorsùm,

Fortior officium dextra utriusque refert.

Desectae laevae successit dextra sorori,

Sed dextras obiens (semper ut antè) vices.

Pulpita sustentant libros, quos laeva tenebat,

Dextra regit calamum, dextra notanda legit.

Lamina pro laeva chartam dum dirigit, acta

Tùm sua, tum veterum fortia dextra notat.

Quid iuvat insanos, quòd laeva resecta, sit hostes?

Ferrea nunc dextram ( dum ferit illa) tegit.

[fol. 81v]

8

 

Ferrea pro clypeo nunc laeva retundit ut ictus,

 

Adversum gladio dextera quemque fodit.

Ferrea quaque ^Lregit^L spumantem laeva caballum

Ense micans hostes dextra cruenta necat.

Causidicis utinam laevae, Medicisque secentur,

Queis capiunt, scriptis dum mala dextra nocet.

Nulli Lanoï (dum stabat) laeva nocebat,

Est, [erit+]/fuit, et semper dextra iuvamen erit.

Mortua laeva iacet[-coelum] melioris tessera vitae,

Dextera, quô nomen non moriatur, agit.

Mortua laeva iacet, coelum pia dextra recludit,

Integrum corpus sistat ut illa Deo.

In eiusdem Herois Clarissimi obitum.

Qui terram meritis, coelum qui laudibus implet

Hunc terrae bustum quinquepedale tegit.

Quî de tantillo mutilo quoque corpore tanta?

Dux in Lanoö pro grege Christus erat.

Ergò Deus simul hinc cessit? Tu videris hospes,

Sed curare magis [munera di...] Dei

Hermanus Taffinus Torsaeus. Sedani