Album Joannis Rotarii (Johan Radermacher)

[fol. 69r]

[24. Johannes Vivianus, Gedicht op het zelfportret van Julius Clovius in het Album amicorum van Joris Hoefnagel.aant.]

In picturam Julii Clovii Macedonis propria manu elaboratam extantem in Philophilacio Georgii Hoefnaglii, quae sequuntur carmina adscripsit Jo. Vivianus.

D.M. ¹

Julio Clovio Macedoni

Georgius Hoefnaglius genii eius imitator

L.M.P. ²

obit Romae pridie Nonas Januarias

Anno M.D.LXXVII

Hocce fuit penetrasse Alpes, ut clara viderem
ora Clovi. mirasque manus; ipsum expirantem
Quod specto, extremumque datur persolvere honorem?
At pars magna Clovi superest, victura tot inter
Farnesi decora alta domus, nec carpserit aetas
Naturae felicis opus, venamque beatam.
Fortunata anima, ô mihi salve maxime Juli,
Congressum quanquam invideat mors improba; vivum
Te specto tamen in Tabulis, geniumque magistrum
Te praeunte sequens, vestigia semper adoro.
Venit ut ingenti laudum perculsus amore
Hoefnaglus Clovii Romana ad culmina, fatum
Heu! vitam Clovio rapiebat: quem super ales
Cum virga insistens Cyllenius, ora Georgi,
Lumina dum claudit Clovio, una contigit: artes
Iulius ipse suas legat tibi, ut alter ab illo
Qui fueras, celebret tandem te fama priorem
Dixit: et in tenuem ex oculis evanuit auram.

canebat JOHANNES VIVIANUS.

1 Dis Manibus of Deo Maximo.

2 Libens Merito Posuit.