Album Joannis Rotarii (Johan Radermacher)

[17. Johannes Vivianus, Religieus gedicht.]

Auctoritas est unius
Auctore quo sunt omnia,
Immensi et aeterni Dei.
Et hîc quibus suam vicem
Demandat aliquam, caeteros
Supereminentis hoc sui
Insignit almo luminis
Radio. aliunde dignitas
Non comparanda. haud artibus
Claris, nec opibus amabili
Insaniâ mortalium.
Hunc suspicit similem sui
Pavore amore promiscuus,
Pendentque ab uno plurimi.
Ast ubi Deo visum hanc sui
Revocare scintillam, labat
Quantumque clara dignitas,
Exuta mox reverentia
In ordinemque redigitur.

[fol. 59v]

Jo. Viviani poemata quaedam met brief Sam. Radermacher van de 13 Aprilis 1603.