De geboorte van een geest

[IV]

cxxxiv. I. Item, dat nyemant en moet gaen mit verdecte aensichten voir momme noch voir dyvel, up een boet van iii^lb. Ende ist sake datter yemant een panser an heeft, dat sal tegen den heere verbuert wesen, ende dat sal die heere terstont hem mogen uuttrecken als verbuert, sonder meer rechts dairom te spreken.

cciii. Want, God betert, hier tAmstelredamme veell dootslagen vallen, ende somtijds die een den anderen dootslaen, mijt upge-

[p. 74]

setter lage off sonder woirden of wederwoirden tegens malkanderen te hebben, off by wylen sonder deen den anderen te kennen; dat zeere te beclagen is, ende nyet langer te lyden en staet, omme veeli inconvenienten ende meere quats, dat dairoff hoe langer hoe meere geschepen waere te comen ende ontwyfelick comen soude, wairt dat men dat langer lede ende dair niet in voirsage.

cciv. Item, want dieghene, die gewoentlick zijn by nacht ende by ontyde die strate te gebruycken, dicwij ll malkanderen off anderen gueden luden quetsen, sonder woirde off wederwoirde tegens malkanderen te hebben, off sonder die een den anderen te kennen; off als dair vrouwenpersoonen comen gaen by der straten, tzy alleen off mijt een man, wijllen zy die vrouwen nemen ende dwij ngen die mijt hem te gaen, dairt hem belyeft; ende indien die man die vrouwe hem niet nemen en will laten, soe steken ende quetsen sy die man, ende dicwij ll beyde man ende wij ff, of doen andere fortsen ende onstantelij cke saken; zoe zijn dairoff overdragen die guede lude van den gerechte, dat sy voirtan sulke overdaders ende geweldenairs scarpelick corrigieren ende rechten willen, boven die boeten, die dairtoe staen, als men sulke overdadige lude sculdich is te corrigieren, ende niet meer up hoere dronckescap ofte anders hem verschonen laten. Elk zye well toe ende wacht hem, off hy will ende can.

ccclxix. Alsoe mynen heeren van den gherechte, als schickers des ghemeenen goets, gaernne souden sien dat tot welvaeren van der stede ende poirteren van dien alle neeringen wordden verbetert ende vermeerdert, ende dat elck van den neeringhen hadden tgene des hem toebehoerde ende daerby zy mochten bliven in wesen ende goede voerspoet, ende omme andere deuchdelijcke redenen hen daertoe bewegende; soe hebben deselve mynen heeren van den gherechte gheordineert ende ghewillekeurt, ordineren ende willekeuren mits desen tgene des hier naevolght.

i. In den eersten, dat van nu voertan totdat anders gheordineert sal wordden nyemant binnen deser stede, wye hy zy, craamer oft

[p. 75]

smit, ennige spijckeren oft nagelen grooter dan schospijckeren, binnen deser stede nyet gemaict, en sal mogen vercoopen, op de verbeurtte van tweib Hollants, soe menichwerven als yemaent bevonden wordde contrarie te doene van tgene des vorscreven is; uuytgeseyt dat men sal moghen vercoopen int gros by II^c ponden spijckeren oft nagelen, binnen deser stede nyet gemaict, grooter dan scospijckeren, smaels ende mit één coope ende daerboven mair nyet beneden, op de verbeurtte van twe^lb Hollants als voeren.

2. Item, dat de smeden binnen deser stede ende die hem van den smeden binnen deser stede gesorteert sullen hebben, sullen vercoopen spijckeren ende nagelen, grooter dan schospijckeren, ende nyemant anders, op de verbeurtte van twe^lb Hollants.

4. Item, dat een yegelijck poirter tot allen tyden ende soevele alst hem belyeft sullen moghen vercoopen eenen yegelijcken zijn gheryeff van schospijckeren ende daerbeneden mit ghene dat onder mailerie gherekent is.

5. Item, dat de smeeden binnen deser stede gehouden sullen wesen alle spijckeren ende nagelen te maken op heure gewichte, te wetene een duysent schospijckers, wegende seven pont; item, een duysent lasnagelen, wegende XIIII pont, item, een duysent middelnagelen, wegende XXIX pont; item, een duysent dobbelde middelnagelen, wegende LIX pont; item, een duysent spanspijckeren, wegende hondert XXtich pont; op de verbeurtte van twe^lb Hollants.