|
| |
| |
| |
I
| |
| |
[I]
LXIV. Van oeghen, handen ende voeten.
Item, worde yemandt twe oeghen, twe handen of twe voeten wtgheslaeghen, afgheslaeghen oft verleempt, dat zall ghelyck een doedslach met ghelde betaelt ende gheboetet worden.
Worde oeck yemandt één oeghe wuytgheslaeghen oft wuytbroecken ofte één handt ofte één voet afghehouwen of verlemet, den zall men met halff zo voel boethe betaelen.
| |
LXV. Van noes, lippen ende tongh.
Item, wee dat een anderen zyn naese ofte zyn lippe, één oft beyde, oft zyn tonghe beroeft, diezelve zall den claegher beteren voer yeghelyck der stucken een half doedtslagh civiliter.
| |
LXVI. Van duemen ende vinghers.
Item, wee den anderen een duem oft vinger beroeft oft verlemmet, die zall voer yeghelyck een verndel van eens mans ghelt den claegher ghelden; ende wordt by beroeft in twe duemen oft vingheren, zalf die dader den claegher met een halff mans ghelt beteren; waeren oeck die stucken meer dan twee, zo mach die boethe nicht hoegher styghen.
| |
LXVII. Van theenen.
Item, voer den theen zall half gheldt, als van de vingheren voergesz. staedt, betaelt ende gheheven worden.
| |
LXVIII. Van oeren.
Item, een oer aff zal men beteren met een veredel eens mans lyff: ende twee oeren noch zoe voel.
| |
LXIX. Van tanden.
Item, alzo mannigh tande eemen wtgheslaeghen wordt, alzo dickwyll zall die claegher te beteringhe veer ghouden ghulden gheven worden.
| |
| |
| |
LXX. Van armen ende beenen.
Item, oft een den arm oft been an twe gheslaeghen, ghebroecken oft ghehouwen wordt, die daeder zall voer een ytlyck stuck, zo veer by daeraff nyet lan en wordt, vyftyn gholden ghulden betaelen. Ende wordt by daeraff lam, zo zall die dader den claegher die zelfste lemthe, boven die vyftyn ghoudtghulden, boeten ende beteren, ghelyck als van voeten ende handen schreeven staet.
| |
LXXII. Van de manlycke roede ende vrouborsten.
Ithem, een mans ghemachte ofte vrouwen borst, zall voer eens mans lyff gheboetet en ghebetert worden.
| |
LXXIII. Van doergaende wonden int hoeft.
Item, een gheslaeghen, ghestoeten oft gheworpen wonde int hoeft, doert been, zall yeghelyck met veerentwintich goudtghulden ghebetert worden.
| |
LXXIX. Wonden doer hals, arm &c.
Item, alle wonden, die doer den hals, arm, handen oft voeten of doer ander lidmaethen doerghaen, ende an beyden zyden oepen, zall men voer twe wonden beteren.
| |
XCIII. Die qualiteyt der persoenen vermeert of vermindert de boete.
Item, alle bovenghez. broecken zal teghen den part ende rechter, nae achtinghe der persoenen ende vryheyt der steeden gheboetet, ghebetert ende ghestraft worden; naemelyck een yeghelyck borgher oft landtman, deenstman ende deenstmaeghet ende deerghelycke luyden zall boeten ende beterenghe, ghelyck in all puncthen voergheroerdt, betaelt ende ghegheven worden. Hovelinghen, gheestelycke persoenen, rechters, gherechtsboeden, vrouwen oft jonckvrouwen zalf men dubbelde boethe gheven; die
| |
| |
vrouwen, de szwanger zijn, dreefoudt.
|
|
Auteursrechtelijk beschermd