Voor-reden.
[...]
1Wie dit Boeck aendachtelijck, ende met opmerckinghe des sins doorsiet
2ende reden verstaet, die weet hoe hy hem van de schalcke wachten,
3ende in 't goede sich oeffenen sal: derhalven moet de Leser acht nemen
4tot wat eynde alles gheschreven is, want die niet en weet noch en
5merckt wat de Richters hier inne betracht hebben, dien gheschiet als
6den blinden die eenen onbekenden wegh gaet.
7Beyde in 't begin ende in 't eynde des Boecks neme elck een (die
8hier in lesen wil) vlijtich acht, dat hy de woorden (die hy leest) wel
9verstae, ende wete wat meyninghe de Wijse hier inne ghehadt hebben,
10dat hy oock niet haeste tot het eynde, eer hy den aenvangh, oft het
11beghin recht bemerckt heeft: Want wie leest, ende dat niet verstaet,
12die kan daer van gheen nut ontfangen, noch uyt het selve sich tot
13meerderinge ende beteringe des vernufts oeffenen: Hier omme merct
14hoe dit Boeck met verstant te lesen is, ende om alles beter te begrijpen,
15vangt het van vooren aen, lesende van d'een Capittel tot het andere,
16so sult ghy daer inne voorderen ende leeren kennen des weerelts zeden,
17wesen, lof ende behendicheyt, trou ende ontrou, om van 't quade u
18te wachten, ende wijsheyt te verkrijgen: Soo wie doch niet meer als
19een Figuere in 't midden oversien ende den sin overlesen wil, die kan
20de meyninge daer van niet wel verstaen, ende geniete geen vruchten
21daer van, hoe kostelijck het oock zy, ende heeft niet als den arbeyt
22des lesens
23[...]
24Een yeder wijse Man die dit Boeck lesen wil, sal in sijn gemoet bemercken
25ende bedencken, dat het een dobbel verstant heeft, het eene openbaer,
26het ander verborgen, vergeleken by een note, die ten zy, zy opgebroken
27ende de keerne (zynde het binnenste verborghene deel) versocht wort,
28niet nut is [...].
29[...]
Auteursrechtelijk beschermd