Fred

Fred e foefoeroe en mama sani

A tra dei di mama nanga papa ben go na wroko, Fred opo a kasi nanga wan skroefoedraaier. A njan wan paki koekoe foe en mama. Dan Fred sroto a ijskasi baka.

Di mama kmoto foe wroko, a ben bai switi sani. Dan di a loekoe na ini a kasi, a no ben si a paki koekoe. A aksi: ‘Soema teki a koekoe dja?’

Emil taki: ‘Mama, joe poti wan sroto gi a kasi. Dan fa oen kan go na ini a kasi? Kande na papa teki a sani.’

[p. 13]

Mama libi a sani. Wan heri pisten den switi sani foe mama ben gwe. Dan te a ben aksi soema ben teki en sani, dan no wan sma ben sabi. Ma wan dei di mama kmoto foe wroko, a kari Fred kon. A taki: ‘Mi boi, mi lasi a sroto foe a kasi. Now mi no man poeroe a stimofo ini a kasi. Dan fa w'o doe? Noso dan na a doro oen moes broko.’

Dan Fred taki: ‘Mama, joe nafoe span. Mi kan opo en gi joe.’ Fred teki en skroefoedraaier dan a bigin wenweni a sroto. Mama tnapoe leti baka en e loekoe san ai doe. Mama ben winsi taki a kasi ben kan opo. Fa Fred opo a kasi, mama naki en wan klap nanga wan oedoe

[p. 14]

spoen na en baka-ede. Fred drai loekoe en mama. Mama taki: ‘Oooo, na joe e foefoeroe mi sani, no?’

Fa Fred e lon gwe, mama iti a spoen na tapoe en baka. Sensi a dei dati noiti moro a teki mama sani.