Dofi, a paiman

[p. 10]

A lafoe

Boiki ben de wan boi foe fo jari. A ben hogri. A ben lobi foe taktaki èn loekoe sani finifini. En papa ben de wan sroedati skowtoe, èn en mama ben de wan wroko-oema. Fa den ben wroko, den no ben de foeroe na oso. Den no ben man loekoe Boiki so boen. So den ben meki en granmama foe en papa sei ben loekoe en. Efoe en granmama no ben de na oso, dan en tante Milka ben loekoe en.

Wan dei Milka ben sidon nanga en mati ini a balkon e taki tori. Te joe ben tnapoe na strati sei, joe no ben man si ini a balkon. Milka ben abi wan nefo Ruben, di noiti ben lafoe. Ala leisi te a ben kon loekoe en famiri, a ben tnapoe fesi a poort e taki odi. Èn efoe a ben tjari wan boskopoe a ben gwe esesi. Noiti a ben abi ten.

A dei dati Ruben ben weri wan owroeten soesoe, san joe ben moes lafoe te joe ben si en. Boiki ben sidon tapoe a skotoe e loekoe go na strati. Di Ruben kon krosbei foe a skotoe, Boiki taki: ‘Mama, éééé, dati na wan bigi s'soe!’ A bari: ‘Tanta Milka, kon loekoe. Omoe Ruben weri wan bigi s'soe!’

Milka nanga en mati bigin lafoe, ma Ruben no ben si den. Ruben taki: ‘Tanta Lise, i no de na oso?’

[p. 11]

[p. 12]

Milka, san doe leki en noso ben broedoe, no ben lafoe moro. A opo tnapoe èn a taki: ‘Mi mama no de.’

Boiki aksi Ruben: ‘Taigi mi pe joe bai a s'soe?’ Ruben no piki en. A aksi Milka: ‘Pe joe mama de dan?’

Boiki aksi na mindri: ‘Taigi mi pe joe bai a s'soe di si?’

Milka taki: ‘Wakti. Boiki kba. Saka foe a skotoe!’

Boiki saka. Ne a bigin lafoe èn a taki: ‘Omoe Ruben, len' mi joe s'soe mek' mi go rei oto.’

Ruben bigin lafoe. Ne a waka go insei, dan a teki presi sei Milka en mati.

Milka lon go teki wan tiki insei foe wipi Boiki. Boiki ben tnapoe so sari e loekoe efoe Milka bo kon naki en. Ne Ruben kari Boiki na en sei èn a bigin tigri tigri en. Di Milka kon na dorosei, di a si en nefo ben sidon na sei en mati, a bigin foe lafoe. A poeroe Boiki ini Ruben anoe. Ne a sori a wipi ini Boiki fesi èn a taki: ‘Mi no wani foe joe lafoe bigisma. Joe jere mi?’

Boiki taki: ‘Ja, tanta Milka.’

Milka no naki en moro. Ne Ruben teki Boiki baka èn a prei nanga en ede. Dan Milka taki: ‘Ruben, san kis' joe tide foe kon na insei? Disi

[p. 13]

na a fos' leisi dat joe e kon na insei.’

Ruben piki: ‘We, now fosi mi si sortoe s'soe mi weri.’ Ne den alamala bigin lafoe.

Boiki papa ben abi wan delaila san ben fiti Ruben. Dan Milka gi Ruben a delaila dati. So a weri en èn a gwe nanga en soesoe ini wan saka.