Pouerta. Armoede.
Een bleecke rasende vrouwe, in 't swart gekleet, gelijck Aristophanes verhaelt.
De bleeckheit worter gestelt om datter dierte en benautheyt van lijftocht is, en waer dieselve gebreeckt, doetse de verwe en geest verliesen.
Als rasende wortse gemaeckt, of in een geraecktheyt van malligheyt, om dat een arm mans woorden en wercken voor sotheyt gehouden werden, en men gelooft haer niet meer, als eene die buyten sinnen is.
De swarte verwe, om dat die een boode des doods en van onaengenaeme dingen is, geeft hier te verstaen dat de armoede, een verdrietige, lastige, droeve en ellendige saecke is.
Auteursrechtelijk beschermd