Princeliicke deuiisen

CXXVIII. Et l'un & l'autre.

Daer twee van eene cracht te samen strijden,
Moet meestendeel en d'een en d'ander lijden.

[p. 291]

 

Het strijden is altijts gemengelt met ghevaer.

 

Den eenen ist niet licht, den anderen ist swaer.

 

Soo wel den stercken als den swacken moet wat lijden,

 

Tzij dat twee ongelijcke oft twee gelijcke strijden.

 

Des neemt geen oorlog aen, tzij wie dat ghij oock zijt:

 

Wie wint oft wie verliest, veel bet is vree dan strijt.

 

Den stok is elckeen hart om met de hant te vatten:

 

Gherusticheyt is dan voor groote winst te schatten.

IN wat questie oft gheschil datter vallen mach, soo en isset niet mogelick dat de eene partij tegen de ander strijde oft dinghe (hoe goet recht dat sij heeft, oft hoe sterck dat sij oock is) sonder eenich deel van moeyte ende hooftsweer te hebben, al ist dat sij daer ten eynde gheen sonderlinghen groote schade bij een lijdt: Want het gaet hier in gantsch gelijck men siet in het Treckspel, te weten wanneermen om eenen stock wringt, ende om het sterckste oft langste treckt: want dan en isser gheen van bey de treckers soo sterck (schickende dat een van beyde den stock behouden oft den anderen ontweldigen sal) oft hij moet daer al sijn wtterste crachten toe stellen ende ghebruycken.