Princeliicke deuiisen

[p. 252]

CIX. Fata obstant.

Ghij claegt vergeefs, dat ghij noch staet, noch rijckdom hebt vercreghen:
Godts vvil, en eens-ghesproken-vvoort, zijn uwen wensch heel teghen.

Ick sie hier voor mijn oogh den grooten overvloet,
Den horen van Geluck, daer elcken-een nae spoet:

[p. 253]

 

Maer ick sie daer noch bij een Rat sich haestich wenden,

 

Dat menich voor gheluck brenght in seer swaer allenden.

 

De Cans is teghen heur, en Godts ghehenghenis

 

Begeert dat heuren wensch den meesten tijt gaet mis.

 

Des Mensche temt u lust en u begeerlickheden:

 

En wenscht dat ghij meugt zijn met weynich weltevreden.

OM aen eenich gheluck te comen, ende een goede Fortuyn oft voorspoet te ghenieten, is den wech moeyelick ende onghemackelick om gaen: beneffens noch dat de armoede ons dickwijls schadelick is, ende beletsel gheeft, om daer toe te connen gheraken.