verwijten de duecht oft vrientschap die sy hem eertijts ghedaen hebben: oft sy sullen met hem spotten ofte enige excuse vinden, om te maecken dat hy niet meer en come in haerlieder gheselschap. Dat en doen niet die goede ende ghetrouwe vrienden ende maghen. Dit en zijn gheen menschen, maer onredelijcke beesten, die niet weerdich sijn dat sy leuen: de welcke behoeuen wel alle daghe eens te ouersien dese Deuijse, van een oprecht edelman die een ander arm mensche die gheuallen licht, ophelpt: met dese woorden: Bis dat qui tempestiuè donat, dat is te seggen: Hy gheeft tweemael, die eens gheeft alst van noode is. Geuende daer by te kennen dat die weldaet dobbel is ende eeuwich, die ghedaen wort inder noot, sonder eenighe hope van yet daer voor weder te crijghen.
Auteursrechtvrij
