Princelijcke deuijsen
(1563)–Claude Paradin, Gabriel Simeon–
Auteursrechtvrij
[Folio 26v]
| |
Precium non vile laborum. Die oerden vanden gulden vlies is ingesteltGa naar margenoot+ gheweest vanden voorseyden goeden Hertoghe Philips van Bourgongen int Iaer 1429. tot welcker oerden hy heeft | |
[Folio 27r]
| |
ghenomen 14. Ridders, daer niet op te segghen en was, onder de welcke hy als ouerste ende fondateur niet begrepen en is: ende gaf een yegelijck van dien voor deuijse van deser oerden eenen gouden halsbant ghemaect met zijnder deuisen vanden vierslach, met een gulden vlies hangende voor op die borst. Twelcke hy dede (nae datmen seyt) in ghelijckenisse vanden gulden vlies dat Iason conquesteerde int Eylant van Colchos, twelck ghemeenlijck wort genomen voor die duecht, die van desen Hertoge altijts in sulcker weerden was ghehouden, dat hy daer door geheeten wert die goeden Hertoge, met noch meer anderen heerlijcken lof diemen hem naer geseyt heeft, als blijct by zijn Epitaphe, daer in dat vermaent werdt van deser oerden vande gulden vlies, sprekende inde persone vanden Hertoghe. Pour maintenir l'eglise, qui est de Dieu maison, Tselue luydt Aldus in onser tale. Om de kercke (thuys Gods) te hoeden voor verlies, Deerste Ridders van deser oerden zijn ge- | |
[Folio 27v]
| |
weest dese navolghende Heeren: Den Hertoghe, fondateur ende ouerste: Willem van Vianen, heere van S. Ioris. Reynier Pot, Heere vander Rootsen. Die Heere van Rombais. Die Heere van Montagu. Roelant van Wtkercken. Anthonis de Vergy, Graue van Dammartin. Dauid van Brimeu, heere van Lingi. Hughe de Launoy, Heere van Santes. Ian Heere van Comines. Anthonis de Thoulongeon, Maerschalck van Bourgongen. Peter van Lutsemburch, Graue van Conuersaen. Ian vander Trimoille, Heere van Ionuelle. Ian van Lutsemburch Heere van Beaureuoir. Gillebert de Launoy Heere van Villerual Ian de Villiers, Heere van Lileadam. Anthonis Heere van Croy ende van Renti. Florimont van Brimeu Heere van Massincourt. Robert Heere van Mamimes. Iacob van Brimeu, Heere van Grigni. Boudewijn van Launoy, Heere van Molenbais. Peter de Beaufromont Here van Chargny Philips Heere van Teruant. Ian van Crequy. Ian de Croy, Heere van Tours op de Marne. |
|