Princelijcke deuijsen

[fol. 25r]

Non inferiora secutus.

Margriete van Vranckrijck wijlen Coninghinne van Nauarre die seer duerluchtige Princesse, hadde die goutbloeme voor

[fol. 25v]

een deuijse. Twelcke is een bloeme die bouen alle ander is vande nature der Sonnen, niet alleene door de gelijckenisse van zijn stralen die inde bladers staen, maer oock om datse de Sonne altijts is volghende, keerende haer seluen vanden Oosten totten Westen op alle zijden daer de Sonnen treckende is, haer seluen openende oft sluytende naer die hoochte oft leechde vander Sonnen. Dese deuijse voerde dese seer edele ende duechdelijcke Princesse tot een teeken dat sy alle haer wercken, gedachten, wille ende affectien was stierende tot die groote Sonne der rechtueerdicheyt, Godt almachtich, contemplerende alle hooghe, hemelsche ende gheestelijcke saken.