Princelijcke deuijsen

[fol. 19v]

Imperium sine fine dedi.

⁺Die Keyser Augustus, die welcke deerste Heere ende Keyser was die in vrede besittende was de gheheele werelt, was geboren onder het teeken Capricorni. Waeromme dat hy daer na het selue hadde in sulcker weerden, dat hijt dede staen op sijn munte: soo seere liet hy hem duncken dat dit teeken Capricorni hem hadde beteeckent sijn groot gheluck ende voorspoet. Van deze munte vint men noch op den dach van he-

+ Sueton.

[fol. 20r]

den, soo wel goude als siluer penningen, daer op dat gheslaghen is op deen sijde de figure van eenen steenbock houdende tusschen sijn claeuwen een werelt oft ronden cloot: ende op die ander sijde de hoorne der oueruloedicheyt oft van Amalthee, te weten op die goude. Maer opde siluere penninghen, staet als bouen voorseyt is, een roer van een schip, vast ghemaect aende voorseyden cloot. Ende soo wel op deen soorte als op dander staet gheschreuen Avgvstvs.