Princelijcke deuijsen

Animis illabere nostris.

De boose gheest heeft wter naturen dat hy seer lieflijck int eerste aencomt, maer daer nae soo bedroeft hy ende maect de menschen soo veruaert datse niet en weten wat sy doen sullen van verbaestheyt. Ter contrarien die heylige gheest die soet ende

[fol. 9v]

lieflijck is, maect die menschen int aencomen verbaest, maer daer naer, versekertse, verblijtse ende laetse gheheel vertroost, ghelijck⁺ die heylighe Apostels waren op den Sinxen dach, als hy inden ghedaente van vierighe tonghen op henlieden quam neder ghedaelt.

+ [...] vverck der Apost. 2.