De rymwercken

[p. 65]

Ad fortunam, Mihi novercam.

Diceris instabilis Fortuna. Poëtis;

Cum nimium stabilem te queror esse mihi:

Diceris & volucris; pigrâ testudine nobis

Tardior incidis, nec leve corpus habes:

Mobilitate viges, & cunctis brachia libras:

Sola mihi perstas, mordicus & statua es:

O! si sic nobis inverso corpora stares;

Si vultum nostris vultibus objiceres;

Sperarem; sed nunc, nostris conatibus obstas;

Et plus, quam fas est, irrita vota dedi:

Si perstas, certum est, non ultra fallere mentem;

Sed pariter tergo vertere terga tuo.