Dal Bhat Chatni
(1977)–Jit Narain–
Auteursrechtelijk beschermd
[pagina 95]
| |
[pagina 96]
| |
Bhajan
divali ke rat
ujer karis ba
lakshmi ke bhakha
kahi lag jat
kahi lag jat
to admi ke asa
to admi ke asa
i atna sahaj bhasa
i atna sahaj bhasa
kahe ke pirat
| |
[pagina 97]
| |
ujer kare
agal bagal
apan diyali
hava ke sath
jhule hamar
chhota se batti
sach ke jit
i divas
ke mane hae
anet ke bole
bhail chuknichur
aise kahi
sach men
na ho jat
apan samaj men
to bihan se
ham jiti
dil khol
na bhay
apas men
na koi
chhua-chhut rahat
dharam aur karam
apne men
milten julten
apan samaj
na mangat
hiya pe bhikh
are e divali
tore men
u sakti hove
ki i tamamo
bichar men
jat ghuns
ki manai
sab se pahile
manai ke
khatir hae
to kat-pit
mar-danda
gari-garauja
and-band
ke lag jat
hardam ke khat
pith
diva ke ach se
sukha le apan
ans ma
sait laksh mi
daya kar dei
| |
[pagina 98]
| |
dukh ke ans
sukh ke
bharosa men
lakshiminiya kahi
na ban jay
bap nasa men
kahi chahta
men laptal hoi
oke ka
uto apan ke
na bhail
maiya lele
larkavan ke
divan to
bar leis
kaha se
lave bichari
ghughari bara
aur phulauri
chaurave ke
akal paral ba
le ma jagale
donni chaunni
jon bhi hae
koi na jane
perva kab
phar jai
paisave to ha
karan hae
kamae val sala
jinde gail ghunay
apan diya
apan hath se
jalaylere
jalayle na
i sukh chahe dukh
ke batti hoi
ihi men
bital dinan
bhulay de na
tohe bihan
suru kareke
suru kareke
nava jivan
i jivan sukh ke
samundar hove
samundar hove
begar koi ghat
tohar ho jay
| |
[pagina 99]
| |
saphal jivan
hamar lakshmi se
chirauri ba
i ujer
tohar diva ke
koi ke aur
ujer kare
jon tohar hae
sab tohar
na rahe
apas men bat
leto to
jon dukh sab ke
bisar jaiga re
pet bharal hae to
divali sujha hae
bhukh lagal hae to
divali pira hae
jangar dehi men
hath gor chale
man divali se khusi
nahi to ans chuve
dhani garib
dunu divali sajain
ek apan dhan bichhay
ek bole apan man lagay
kaun thik se manais
bas vahi lakshmi jane
jekar namse kona kona
bephat diyali barat aj
ke ka baris
kaise katna baris
apne men
charcha karat log
lakshmi divas
i pavittar din
log apane men
chup-chap
dil khol
baji lagain khub
tatti men bhi diyali
aj ajor karis ba
aur adher ke piyaran
ke bara tang paral ba
| |
[pagina 100]
| |
idhar udhar se
rengat nikarin
ajor ke dar se bhagin
kahi ghas kahi nariya men
kitanan jan apan gava dein
kamra men chup-chap
khatkiravan
darara men khalbalat
kach-kachay sochen
ki kab buti u batti
hamlog ubharay
phir chunsin
divali se tatti
ke apman hoige
kirauvan eke
chhor ke bhagin
ghar ke bara
man bhail lakshmi
divali malichhaipan ke
thora der lukvais
diyali ke ach se
magaj apan safa karke
dukh sukh ke bhul ke ham
bhagvan se milal bati
i din ham dur tak
bichar karila
ki ka hae lajjat
jivan ke
karbar kahe khat ba
lakshmi ke ajor
hamme rasta dekhavat
dil men damke
himmat dilavat
ke tu ay khethihar
ha tuhi se to
banal hae
jatna rang rup
i duniya ke
tor tagat i sab
men bhinal hae
tu hi asli
sanskirti hae
tor saccha
pasina hae
tu bhakt hae
i matti ke
tuhi des ke
tagat hae
| |
[pagina 101]
| |
tu kar upjav
jon man aur samaj
tor chahe
tor dhanya
i jivan hae
tuhi asal men
i dharti ke lal
divali ke lakshmi
aur i ghar vali
i dunu men
kon pharak hae
divali val sal men
ik dai parghat hove
i ghar val ke
sar pe kodo darat roj
divali val ke
pakvan charhat
i ghar val ke
dukh lat se katat
divali val khat
hath jor binti hovat
i ghar val gar hukum se
kidharo na dolat
e divali ke lakshmi
kar i ghar men
bhi ajor
mile i dukhi
nari ke
barabar hak
mite ekar
mardana ke
ghor andher
i ghar ke laksh mi
phir kare
ghar ke kona-kona
ujer
jese saf bhi
hoy jay
apan bhatar ke
saral gandhat
magaj
u baccha
hasat khelat
divali ke
matlab puchhe
| |
[pagina 102]
| |
na jane
ki divali
ohi khusi
ke khel hae
jon oke
man kare
jekar u na
apman kare
jon okar jivan
ke ujjiyar
hae abbe
andhiyar men
bhi yad rahe
okar khel oke
piyara hae
apan khel ke
u sajay rakkhe
okar khel
okar sacchai hae
barat batti
bharal tel
diyali hae
chahe sukh
chahe dukh
apan khel
oke khiyal rahe
chahe jon koi
mauka mile
apan salai leke
taiyar hae u
i bachpan
ke khel
javani men
jay heray
hiya pe ab
divali asa
banal hae
larka hae to
laxmi puja
sukhit bujhay
larki hae to
apan jot ke
ach ke pale
dhire dhire
hone val gharaiti
banal jay
hamar dil ke dag
tor ujer
se mit jay
tu hamar sobha
manuspan hae
| |
[pagina 103]
| |
hamar puja
tor satkar
e divali
o divali
ham tore men
man lagay
tu hamre men
bhin jao
o divali
e diyali
apne ach se
dil ke
bharam mitao
subh divali
subh divali
bihan jab bhail
diyali ke
taraju banain
larkan milke
taule lagin
kalhiyan aur aj
ke garhuai
parso aur aj
men kuchh
pharak na pare
kaliha val bahut
garhu taulay
ka badalal
ek din divali se
bacchan apne men
soche lagin
man lagay
kalhiya puja-pat
karin sab
aj ohi
khaik-pani
gari-garauja
jhagra-ragra
ka bhail bhala
divali ka
nava lais
ekke batiya
bikh hae
ek ghari
hansi bharal
dusar ghari
tisar pe
koi ke kuchh
| |
[pagina 104]
| |
na lage
i larkan bicharan
ka jane
bat ke matlab
ghari ke
anusar hae
divali vala
sada se ek
to bhi admi ke
chal behvar
i divali ke
matlab se
na badle
ijjat-pani
dharam-karam
sanskirti-bichar
ke bole hatao
dekhal jai age
hindiasal panditasal
adha anki ke bidvanan
kabbhi sochalo
kahe khat
|
|