Dal Bhat Chatni
(1977)–Jit Narain–
[pagina 91]
| |
[pagina 92]
| |
Chautal:
man karila u pasina ke
jon barhanti khat gire
ohi kamihan ke ham chahi
jon des ghar khat mare
apan des ke jon haen piyare
okar ghar na rahiga khali
ha des ke man men
apan bhi man bharal
ham kahe kam na kari
dhiyan deila u garib pe
jon apan sudhar khat lare
samaj ke maral palivar pe
jon majuri khoj rahin
u samaj jon kimmat na jane
apne pichharal dukhiyan ke
u samaj ke ka hoi barhanti
sarap dukhiyan ke bhinal
| |
[pagina 93]
| |
e ma pakav na
ka re
ma ma karat bate
ka pakai
ghughari ...
pakai la
khaiyo ghughri
kamay ke
dharlo hae
e man
larkavan mangen haen
ghughari khayn
jagdisva
hiya av
ghughari peliye
sarauv
marab lat
pasar jaiye
mars hamar ankhi
ke samne se
ha hamhi bati
jagdisva
kam bal bekaida
kam buddhi bhikhmanga
baki himmat
jaise kalkativan ke
de hak
ham bhi kheli phagua
hoi niyai
tab to manai phagua
nyav ke khatir
aj narsingh ham
av sajay dei
u phagua
jese sach men
ek saman hove
uch nich
garib dhanvan
kutta bilar sab
haryari rahe
jindagi men tore
phagua bhi hove
samaj men tore
toke koi
phagua na
na toke divali
| |
[pagina 94]
| |
tor garibi
jindagi men
bahut kam niyayi
ka tor phaguiya ke
larkavan abirva
kahe tor kamaiya
anetiyan ke rupiva
toke koi phagua na hae
tobhi khele holi
toke koi jaj na
gar krisna ke pahlad
kahe phir khusi toke
i din aur i rat
daru gos bhat roti men
bhul kahe gail i bat
ghar ghar jake tu
chautal gaile
bihan jab bhail
soche karja dukan ke
bihan jab bhail
soche karja dukan ke
sukh toke bhi hove
jindagi tor samhare
tor phagua bhi ave
apne narsingh
bane ke pariga
|
|