¶ Van dye Dispositie.
DIspositie, dat is een goede beschickinghe van al tgene dat wij door onse Inuentie gheuonden hebben. Elc woort, redene, ende argument stellende in zijn eyghen plaetse, als in dye Prohemie, narratie, diuisie, confirmatie, refutatie oft conclusie. Ghelijck vanden constenare voorseyt es. Als hi gheuonden ende vercreghen heuet al zijn materie als steenen, hout, calc, ende ander saken hem dienende om zijn huys daer af te maken, hi gaet duer zijn conste elck in zijn eyghen plaetse bringhen ende beschicken. Also ooc een voorsienich Capiteyn, als hi alle zijn knechten ende munitien van oorloghen versaemt heeft, hy gaet elck beschicken in zijn plaetse ende in goeder ordinancien stellen. Ende meesten tijt sietmen gebueren dat duer een goede ordinancie, die victorie vercreghen werdt.
Auteursrechtvrij