Ten derden die diuisie dat is deylinge van tgene datmen seggen oft voortstellen wil. Ten vierden, die Confirmatie, dat is tghene daer mede datmen zijn voortstel confirmeren mach, ende doen blijcken. Ten vijfsten die Refutatie, dat es wederlegghinghe van tgene datmen ter contrarien soude moghen allegieren oft opperen Ten sesten ende laetsten die Conclusie, dat is een constich besluyt van al tghene datter voren geseyt is. Ghelijckerwijs een constenaer dye een schoon costelijc huys temmeren wil. Ten eersten hi voorsiet hem eenen goeden bequamen inganc totten seluen huyse oft plaetse, daer hijt temmeren wil. Ten anderen hi voorsiet hem van alle zijn materie, dienende totter lancheyt, wijde ende hoochheyt vanden huyse. Ten derden hi sal tselue huys deelen in vauten, zalen, cameren, bouen ende beneden al tot zijnder ghehande. Ten. iiij. voorsiet hi hem van vromen torren, pilaren, stijlen, poutters anckeren ooc met deluinghe ende grachten, al tot fortificatie ende vromicheyt van sinen huyse. Ten vijfsten hi voorsiet oft daer yet es, twelcke den huyse soude moghen hinderen, als stroomen van watere, rauatie van lande oft fundamente, quade gecorrumpeerde lucht van heymelicheden oft ander vuylicheyt, hi siet dat selue te weeren ende wech te doene. Ten sesten ende laetsten hi voorsiet hoe hy sal mogen zijn huys besluyten met mueren, poorten, dueren ende veynsteren, op dat al wel besloten ende bewaert si datter binnen es. Vanden welcken ende elck bysonder wy breeder spreken sullen int
Auteursrechtvrij