Lingua Belgica

[fol. cijr]

In praestantissimi Viri D. Abrahami Vander-Myle,
De antiquitate Lingvae Belgicae commentarium.

FOecunda ingenij, pulchrae ditissima linguae

Ingentes aluit Belgia magna viros,

Sed neglecta suis quos ipsa eduxit alumnis,

Et, velut orba parens, pene relicta fuit.

Illum sponte sua Latiae traxere Camaenae,

Hunc pellex rapuit Graecia, blanda loqui.

Est & Idumaeae cui grata est gloria palmae,

(Notior antiquis nulla corona fuit)

Mylius ingemuit, terraeque dat oscula; nec tu

O genetrix justa laude carebis, ait.

Audiat, externos si quis sibi poscit honores,

Et tibi, quam debet, ferre recusat opem.

Dixit, & infigens tabulae mentemque manumque,

Patronum patriae pene jacentis agit.

Quod nusquam est alij Latium mirentur amentque,

Cui debes, civem Belgia mater habes.

DANIEL HEINSIVS.