[Privilegie]
DIe Staten Generael der Vereenichde Nederlanden, hebben gheconsenteert, ende gheoctroyeert, consenteeren ende octroyeren mits desen Iehan Commelijn Bouck-vercooper tot Leyden, omme voorden tijt van vijff jaeren naestcomende alleene in dese Vereenichde Provincien te moeghen drucken, uytgeven, ende vercoopen seecker Bouck by Abraham vander Mijl int Latijn ghemaeckt, met desen Titel, ABRAHAMI VANDER-MILII LINGVA BELGICA, &c. Interdicerende, ende verbiedende een yeghelijck, t'selve, geduerende den voorsz. tijt van vijff jaeren, int gheheele, oft ten deele nae te drucken, ofte elders naeghedruckt in dese Vereenichde Provincien te brenghen, om die te vercoopen, ofte distribueeren, in eenigher manieren, sonder consent vanden voorsz. Iehan Commelijn, opte verbeurte van alsulcke naeghedruckte exemplaria: Ende daerenboven vande somme van hondert ponden van veertich grooten: Een derdendeel daer van tot behoeff vanden Aenbrenger, het tweede derdendeel tot behoeff vanden Officier die de Calengie doen sal, ende het resterende derdendeel tot behoeff vanden voorsz. Commelijn. Aldus ghedaen ende gheoctroyeert ter Vergaederinghe vande Hoochgemelte ende Mogende Heeren Staten Generael, In s'Gravenhaghe den vijen. Iunij xvjc. ende xi.
Magnus vt.
Ter Ordonnantie vande voorsz. Heeren Staten Generael
C. Aerssens.
Auteursrechtvrij