Van een Paep die sijn Gemeente leerde dat sy nae sijn woorden
maer niet nae sijn wercken souden doen.
Daer was een seker Pape, dat een groot speelder en een dronckaert
was, leerende sijn volck dat sy nae sijn woorden, maer niet na sijn wercken
souden doen: so gebeurde het op een tijdt dat hy het Sacrament om droegh, en
ginck daer mede door slijck en dreck, en het ghemeene volck ginck daer het
schoonst was: De Pape vraeghde warom dat sy hem niet na en gingen? Waer op sy
seiden, Heer-oom, ghy hebt ons immer geleert, dat wy souden nae uw woorden
doen, en niet nae uw wercken.
Auteursrechtvrij