Kluchtighe Vraghe.
Twee Ionghe Dochters met malkander in praet wesende, d'een d'ander
al jokkende vragende, ende seide: Wat woudt ghy liever wesen een koe of een
Henne? Den anderen dat vreemt voor komende seide: Wat vraghe is dat? ick
begheere gheen van beyden, en ick ben blijde dat ick een redelick mensche ben:
De andere wederom seide, of het een van beyden sijn moest: Wel, antwoordde de
andere, soo was ick liever een Koe. Ick niet, sprack sy, ick was liever een
Henne: Waerom dat? (Sy en konde de reden niet begrijpen). De ander seide, bent
ghy soo onnoosel? Een Henne wort alle daghen ghesoent, en een Koe alle Iaer
maer eens.
Auteursrechtvrij