Cloosterken der gheestelijcke verryssenisse ofte der ontwordentheyt
(1639)–Lucas van Mechelen–
Auteursrechtvrij
[pagina 169]
| |
Wijse: Bedruckte hertekens. Oft: Die blijde zielen. Req. 291.Lof Schepsel schoone!
Lof Maeghden Croone!
Lof alder-puerste creatuer!
Lof Moeder reyne,
Soers der fonteyne
Die puer is boven alle puer?
Ghy zijt alleene
Die suyver eene,
Die ick mach noemen onbevleckt,
Die niet met allen
Van Adams vallen,
Van Adams vlecken aen en treckt.
Uw’ eerst beghinne
Schoon Coninghinne
| |
[pagina 170]
| |
Was klaer gheheel en onbesmet:
Door sijn ghenaede
Tot een weldaede
Begraeide Godt u daer niet.
O schoon gheheele!
Dats uw’ voor deele,
Soo eertijdts u prees Salomon,
En sulcks wel wesen
Moest d’uyt-ghelesen
Schoon Sterr’, die vaeren moest de Son.
Van duysterheden
Vry waert met reden,
-Die waert de deur van’t eeuwigh licht,
Dat door u straelde,
Dat door u daelde
Dat hemelrijck tot ons ghesicht.
Die scheppen konde
Vry alder sonde
Des hemelsch gheesten al-ghelijck,
Was u oock machtich
Princes waerachtich
Te scheppen alder gratie rijck.
Hoe had verdraghen
Naer sijn behaghen
Godt die u eeuwelijck verkoor,
T’serpents in-wercken
In u t’aenmercken,
Sonder u daer te hoeden voor?
Iae moestmen dincken,
Dat iet kost blincken
| |
[pagina 171]
| |
In d’Enghels dat ghy niet en hadt,
Ghy hoogh ghetoghen
Wie soud’ recht moghen
V noemen t’volle gratie vat?
Waer dat ontbrake
Die eene sake
In u, die in u konde zijn,
Soo hooghen name
En soud’ bequame
Niet wesen wel naer d’wesen dijn.
Maer vol voorware
Vol puerheyt klare,
Vol gratie Godts noem ick u nu;
Want door Godts trouwe
Ghy schoonste vrouwe
Gansch gheene vleck en is in u.
Die d’overvloeden
Van alle goeden
V met sijn self ten besten gaf,
Hoe had hy konnen
V d’meeste jonnen,
En u dat minste trecken af?
Sijn goedtheydt milde
Kost ende wilde
In u doen wonderheden groot:
Daerom uw’ ziele
Hy suyver hiele
Van alle vleck door Christus doot.
Lof uyt-verkoren!
Waer uyt gheboren
| |
[pagina 172]
| |
Op aaerdtrijck s’hemels schoonheyt wierdt,
Die u besonder
Door liefde wonder
Met onbevlecktheydt heeft verciert.
Schoon boven maten
Wy ons verlaten
Op u, tot ons u aenschijn keert,
Laet uwen seghen
Worden verkreghen
Van die u onbevlecktheydt eert.
Weest Patronesse,
O schoon Princesse!
Van u die schoonheydt hier bemint.
Als wy verscheyden
Wilt ons gheleyden,
Daermen u alderschoonste vint.
|
|