Besluit der dichtlievende uitspanningen, met verscheidene byvoegzelen

[p. *8r]

Opdragt van Melis Stoke,
Aan den Jongen Grave van Holland, Willem den Goeden.

HEere van Hollant, edel Grave,
U hevet ghemaket t'eenre gave
Desen Boec ende dit Werc,
Melys Stoke, u arme Clerc,
U te eeren ende Uwen live.
Wacht dat niet verlooren blive
Die name, die ghi hebbet nu:
En doe dy's niet, dat seg ic u,
Dat quader zal worden dan te voren;
Ende die pine is al verloren.
Altoes peynset om die doghet,
Ende ghevet alse ghi gheven moghet,
Ende wat ghi ghevet, ende wien.
Ende den Smeekers sul di zien

[p. *8v]

 

In den mont, ende merken wale,

 

Waerom si segghen heure tale;

 

Of om ghewin is, si U fleren.

 

Weest ghelike andere heren.

 

Hout U Liede ende 't Lant to rechte

 

Jeghen Heren ende jeghen Knechte.

 

Elc man doet Vonnesse

 

Die 's verdient. Leert hem die lesse

 

Dat Recht is, en de Vonnesse draghet:

 

Roeke 's niet wat men claghet.

 

Doe dy's niet, ghi misdoet.

 

Men sal werpen onder voet,

 

Mach men: ende segghen dan,

 

Die Duvel soude desen Man

 

Moghen dienen ofte minnen!

 

Trouwen, wil di dit bekinnen,

 

Ghi hebt'es groeten scade ontfaen,

 

Dat te voren niet was ghedaen.

 

Loent den ghenen die U dient,

 

Soe blivet U ghestade Vrient.

 

Recht over den Riken als over den Armen.

 

Laet se niet loepen carmen.

[p. **1r]

 

Doe di dit, soe doe di wale.

 

Weset hovesch in daden ende in tale,

 

Ende ghestadich in ghetale.

 

Van alle dinghen houdet mate.

 

Ghi sult minnen die Heylighe Kerke;

 

Eeren Papen ende Clerke;

 

Begheven Lieden sul di eeren;

 

Soe sal U sterken onse Heere.

 

Die arme sul di niet versmaden;

 

Doet hem goet in Uwen daden.

 

God gheve dat behouden blive

 

U ware Heere, in desen live:

 

Ende na desen live comet der boven,

 

Daer die Enghelen Gode loven.

 

Des Jonne Ons ende U, Marien Kint.

 

Segghet Amen, die den Grave mint.