Het boeck der psalmen Davids

De selue Artijckelen des gheloofs uyt den hoochduytsche in onse Nederlantsche sprake by Joannem Wtenhoue ouergheset.

WY gheloouen in eenen God alleyn
Schepper des hemels end' der erden,
Onser aller Vader ghemeyn,
Die ons laet syne kinders werden,
Hy wilt ons altijt geneiren,
Lijf' end' siel oock wel bewaeren,
All' ongheval wilt hy weiren,
Gheen leyd sal ons te-

[fol. Cciijr]

 

ghenvaren,

 

Hy sorght end' waeckt voor ons dach end' nacht,

 

Het staet alles in syner macht.

 

* Wy gheloouen in Christum all' ghelijck,

 

Synen son' end' onsen Heere:

 

Erfachtich in zijns Vaders rijck,

 

Ghelijck Godt van macht end' eere,

 

Wt Marien der maegh't sade,

 

Ons een ware mensch gheboren,

 

Door Gods Gheest, uyt louter gh'nade:

 

Voor ons door de sond' verloren,

 

Aen t'cruys ghestoruen end' gheleyt

 

Int graf, tot zijns doods sekerheyt.

 

* Ten derden dagh' om ons gherechticheyt

 

Van den dooden is opghestanden,

 

Door s'Vaders cracht in heerlijckheyt,

 

Verlossend' ons uyt s'vyants banden,

 

Is ten hemel op verheuen

 

Vander eerde in't openbare,

 

Sitt Gods rechter hand beneuen:

 

Voor ons een recht middelare:

 

Van waer hy ten eynde comen sal

 

Richten leuend' end' dooden al.

 

* Wy gheloouen inden heylighen Gheest,

 

God met den Vader end' den Sone.

 

Die ons troost end' maeckt onbevreest.

 

Ende verciert mit gauen schone,

 

All' de Christenheyt verheuen:

 

Tot recht' eenicheyt begheuen,

[fol. Cciijv]

 

Welcker de sond' werdt vergheuen,

 

Dat vleesch sal noch weder leuen.

 

Na desen jammer is nu bereyt

 

Ons een leuen in eewicheyt.