Het boeck der psalmen Davids

De Artijckelen des Christelijcken gheloofs oock op de wyse des xxiij. Psalms.

ICk gh'loou' in Godt den VADER, Heer almachtich,
Die Hemel schiep end' eerd' door zijn woort crachtich,
End' in sijn son' JESVM CHRIST onsen Heere,
Godt ende mensch (na der Propheten leere)
Wt Godes gheest ontfanghen: end' ghebore.
Van Mariam de maghet uytverkoren.
* Hy heeft voor ons, onder Pylato leden,
Ghecruyst gheweest, een bitt'ren doot betreden,
End' is daernae ten graue ne'erghelaten,
Is afghedaelt ter heller t'onser baten,
Doch vanden doot ten derden daegh' verresen,
End' opghestijght in d'eewigh hemels wesen.
* Aldaer hy sitt, een voorspraeck der misdaders
Ter rechter handt Gods zijns almachtich Vaders
End' sal van daen zijn oordeel comen gheuen
Ouer de dood' end' die noch sullen leuen,
Ick gh'loou' in God den HEYL'GHER GHEEST des Heeren,
Dees' dry wil ick voor eenen God vereeren.
* Ick g'looue voorts een heyl'ghe kerck gemeyne,
Der heyl'gen schaer: die Christi bloet maect reyne

[fol. Ccijv]

 

End' uyt ghenaey verghevinghe der sonden,

 

Verryseniss' des vleeschs ter letster stonden:

 

End' dat Gods volck sal t'eewigh leuen eruen,

 

Hier op wil ick vry leuen ende steruen.