Dauid hebbende sijn voornemen verclaert als dat hy wilde in
gedult ende vromicheyt sijn leuen toebrenghen, bekendt dat hy snellijck met
ongheluck ouervallen wesende vanden wech heeft afgedwaelt ende teghen Godt
ghemorret. Deshaluen hy sick seluen straffende, bidt Godt om verghevinghe der
sonden, ende om barmherticheyt in sijn lyden.
[Folio Giijr]
[fol. Giijr]
1. Voor den Oppersangmeester int
gheslachte van Jeduthun. Een Psalmliedt Dauids.
1. ICk hadd' voor my ghenomen end' gedacht
Ick wil op mijn wech nemen acht.
End' toesien dat mijn tongh' haer niet misgae,
Met yet te seggen dat misstae.
Ick woud' een prang' my setten voor de mont.
Soo langh' als t'boos' volck voor my stont.
3. * Dies sweeg ic stil end' was gants sonder spraec
Ja sweeg oock van mijn rechte saeck.
Maer myne smert' drong my int lest soo hert
4. * Dat mijn ghemoet ontfuncket wert.
End' m'int ghepeyns een heeten brant ontstack
So dat mijn tong' noch aldus sprack:
5. * Doe my verstaen Heer myner daghen endt.
Maeck my mijns leuens maet bekendt.
[Folio Giijv]
[fol. Giijv]
Hoe langh' sal ick noch met verdriet
end' pijn
In dese droeve werelt zijn?
6. Du geefst ons Heer een handtbreet slechts respijt:
Voor dy ghelt niet al myne tijt.
* Voorwaer de mensch is niet dan ydel waen.
Hoe vast dat hy oock schijnt te staen:
7. Als eene schijn oft droom die stracx verswint:
Noch quelt hy hem om yd'len wint.
Hy schraept te gaer met moeyt' end' ongheval
End' weet niet wie't besitten sal.
(1.) ** **
8. * Maer wat wil ick voortaen nu wachten meer?
Waer is mijn hop' end' troost o Heer?
Mijn hop' end' troost op dy alleene staet.
9. Verloss' my van mijn sonden quaet.
Ghedooghe niet dat een dwaes onverlaet
My brenghe tot schand' ende smaet.
10. * Ick worde stom o Heer end' swyghe stil,
Want tis dijn Goddelijcke wil
Ja tis dijn werck, end' myner sonden straf:
11. Och keer dijn plaghe van my af.
Want van het slaen dijns handts end' stercke
macht
Auteursrechtelijk beschermd