Versamelde werke

Draadlose Wiegeliedjie

Slaap, Babatjie, doedoe gerus deur die nag,
want om jou gedurig hou Engeltjies wag.
Slaap soet na die himne van draadloos J.B.:
‘I want to be happy’ en ‘Take me to tea’.

[p. 1034]

 

Jou Pappie speel brug en jou mammie probeer,

 

en aia verjaar apostolies al weer,

 

maar Babie, vir jou is die draadloos aan stoom:

 

‘Bananas’ en ‘Show me the way to go home’.

 

 

 

Toe Mammie en Pappie nog babatjies was,

 

had hulle geen keuse van Foxtrot en Jazz,

 

nooit had hulle voorregte, Liefling, soos jy:

 

‘Me and the Boy Friend’ en ‘Just for the day’.

 

 

 

Slaap soet, lief' Kaboutertjie, soet deur die nag,

 

jou ogies is toe, net jou lippies wat lag,

 

want Pappie's 'n Jakkals en Mammie 'n ‘Blaar’,

 

maar die program is ‘J.B.’ en ‘CT. Nujaar’.